ಅಬುಧಾಬಿ: ಡೆಲ್ಲಿಯ ಅಜೇಯ ಓಟಕ್ಕೆ ಬ್ರೇಕ್-ಸನ್ ರೈಸರ್ ಹೈದರಬಾದ್ ಮೊದಲ ಗೆಲುವು

•   Tue, Sep 29 2020 11:28:29 PM



• ಅಬುಧಾಬಿ, ಸೆ. 29 (DaijiworldNews/SM): ಇಲ್ಲಿನ ಶೇಕ್ ಝಯೆದ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಸನ್ ರೈಸರ್ ಹೈದರಬಾದ್ ತಂಡ ಡೆಲ್ಲಿ ತಂಡವನ್ನು 15 ರನ್ ಗಳಿಂದ ಮಣಿಸಿದೆ. ಆ ಮೂಲಕ ಡೆಲ್ಲಿಯ ಅಜೇಯ ಓಟಕ್ಕೆ ಬ್ರೇಕ್ ಹಾಕಿದ್ದು, ಸತತ ಎರಡು ಸೋಲಿನ ಬಳಿಕ ಹೈದ್ರಬಾದ್ ಮೊದಲ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಸನ್ ರೈಸರ್ ಹೈದರಬಾದ್ ತಂಡ 20 ಓವರ್ ಗಳಲ್ಲಿ 4 ವಿಕೆಟ್ ಗಳ ನಷ್ಟಕ್ಕೆ 163 ರನ್ ಗಳಿಸಿದ್ದು, ಡೆಲ್ಲಿ ತಂಡಕ್ಕೆ 164 ರನ್ ಗಳ ಗುರಿ ನೀಡಿದೆ. ಹೈದರಬಾದ್ ಪರ ಡೇವಿಡ್ ವಾರ್ನರ್ 45, ಜಾನಿ ಬೈರ್ ಸ್ಟ್ರೋ 53, ವಿಲಿಯಂಸನ್ 41, ಅಬ್ದುಲ್ ಸಮಾದ್ 12 ರನ್ ಗಳಿಸಿದರು. ಅಂತಿಮವಾಗಿ ಹೈದರಬಾದ್ ತಂಡ 20 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ನಷ್ಟಕ್ಕೆ 162 ರನ್ ಗಳಿಸಿತು.

  ಈ ಸಾಧರಣ ಗುರಿ ಬೆನ್ನತ್ತಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಶಿಖರ್ ಧವನ್ 34, ರಿಷಬ್ ಪಂತ್ 28, ಶಿಮ್ರಾನ್ 21, ಶ್ರೇಯಸ್ ಐಯ್ಯರ್ 17 ರನ್ ಗಳಿಸಿದರು. ಉಳಿದಂತೆ ಯಾವೊಬ್ಬ ಆಟಗಾರನೂ ಕೂಡ ನಿರೀಕ್ಷೆಯ ಪ್ರದರ್ಶನ ತೋರಲಿಲ್ಲ. ಅಂತಿಮವಾಗಿ ಡೆಲ್ಲಿ ೨೦ ಓವರ್ ಗಳಲ್ಲಿ 7 ವಿಕ್ಟ್ ನಷ್ಟಕ್ಕೆ 147 ರನ್ ಮಾತ್ರವೇ ಸಿಡಿಸಿ 15 ರನ್ ಗಳಿಂದ ಸೋಲೊಪ್ಪಿಕೊಂಡಿತು.