ಅಬುಧಾಬಿ: ರಾಜಸ್ಥಾನ ವಿರುದ್ಧ ಕೊಲ್ಕತ್ತಾ ನೈಟ್ ರೈಡರ್ಸ್ ಗೆ 37 ರನ್ ಗಳ ಗೆಲುವು

•   Wed, Sep 30 2020 11:08:47 PM



• ಅಬುಧಾಬಿ, ಸೆ. 30 (DaijiworldNews/SM): ಇಲ್ಲಿನ ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾಣದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಕೊಲ್ಕತ್ತ ನೈಟ್ ರೈಡರ್ಸ್ ತಂಡ ರಾಜಸ್ಥಾನ ರಾಯಲ್ಸ್ ತಂಡದ ವಿರುದ್ಧ 37 ರನ್ ಗಳ ಜಯ ದಾಖಲಿಸಿದೆ.

  

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಕೊಲ್ಕತ್ತಾ ತಂಡ ಇಪ್ಪತ್ತು ಓವರ್ ಗಳಲ್ಲಿ ಆರು ವಿಕೆಟ್ ಗಳ ನಷ್ಟಕ್ಕೆ 174 ರನ್ ಗಳಿಸಿತು. ಕೊಲ್ಕತ್ತಾ ಪರ ಶುಬ್ಮಾನ್ ಗಿಲ್ 47, ನರೈನ್ 15, ನಿತೀಶ್ ರಾಣ 22, ರಸಲ್ 24, ಮೋರ್ಗನ್ 34 ರನ್ ಗಳನ್ನು ಸಿಡಿಸಿದರು.

  ರಾಜಸ್ಥಾನ ಪರ ಆರ್ಚರ್ 2 ವಿಕೆಟ್ ಗಳನ್ನು ಪಡೆದರೆ, ರಜ್ ಪೂತ್, ಉನದ್ ಕಟ್, ಟಾಮ್ ಕರಣ್, ರಾಹುಲ್ ತೆವಾಟಿಯಾ ತಲಾ ಒಂದೊಂದು ವಿಕೆಟ್ ಗಳನ್ನು ಪಡೆದರು.

  ಇನ್ನು ಗುರಿ ಬೆನ್ನತ್ತಿದ ರಾಜಸ್ಥಾನ ತಂಡದ ಪರ ವಿಕೆಟ್ ಕೀಪರ್ ಜಾಸ್ ಬಟ್ಲರ್ 21, ರಾಹುಲ್ ತೆವಾಟ್ಯ 14 ರನ್ ಸಿಡಿಸಿದರೆ, ಉಳಿದ ಯಾವೊಬ್ಬ ಆಟಗಾರರಿಂದಲೂ ನಿರೀಕ್ಷಿತ ಪ್ರದರ್ಶನ ಕಂಡುಬಂದಿಲ್ಲ. ನಾಯಕ ಸ್ಟೀವನ್ ಸ್ಮಿತ್ ಸೇರಿದಂತೆ ಆರು ಮಂದಿ ಆಟಗಾರರು ಒಂದಂಕಿ ದಾಟಿಲ್ಲ. ಈ ನಡುವೆ ಟೋಮ್ ಕರಣ್ ಒಂದಿಷ್ಟು ಭರವಸೆ ಮೂಡಿಸಿದರು. 

  ಆದರೆ ಅಂತಿಮವಾಗಿ ರಾಜಸ್ಥಾನ ಕೊಲ್ಕತ್ತಾ ತಂಡಕ್ಕೆ ಶರಣಾಯಿತು.