ಅಬುಧಾಬಿ: ಡೆಲ್ಲಿ ಕ್ಯಾಪಿಟಲ್ಸ್ ದಾಳಿಗೆ ಆರ್ ಸಿಬಿ ತತ್ತರ-ಡಿಸಿಗೆ 59 ರನ್ ಗೆಲುವು

•   Mon, Oct 05 2020 10:41:57 PM



• ಅಬುಧಾಬಿ, ಅ. 05 (DaijiworldNews/SM): ಇಲ್ಲಿನ ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಆರ್ ಸಿಬಿ ತಂಡಕ್ಕೆ ಉತ್ತಮ ಆರಂಭ ಸಿಕ್ಕಿಲ್ಲ. ಡೆಲ್ಲಿ ದಾಳಿಗೆ ಆರಂಭಿಕರು ಬೇಗನೆ ಫೆವೀಲಿಯನ್ ನತ್ತ ಹೆಜ್ಜೆ ಹಾಕಿದ್ದಾರೆ. ನಾಯಕ ವಿರಾಟ್ ಕೊಹ್ಲಿ ಏಕಾಂಗಿ ಹೋರಾಟ ತಂಡಕ್ಕೆ ಅನಿವಾರ್ಯಯವಾಯಿತು. 

  ಆದರೂ ಗೆಲುವಿನ ಕನಸು ನನಸಾಗಿಲ್ಲ 20 ಓವರ್ ಗಳಲ್ಲಿ ಒಂಬತ್ತು ವಿಕೆಟ್‌ಗಳನ್ನು ಕಳೆದುಕೊಂಡ ಆರ್ ಸಿ ಬಿ 137 ರನ್ ಗಳನ್ನಷ್ಟೇ ಗಳಿಸಲು ಶಕ್ತವಾಯಿತು. 59 ರನ್ ಗಳಿಂದ ಸೋಲೊಪ್ಪಿಕೊಂಡಿತು.

  

  

  ಟಾಸ್ ಗೆದ್ದ ಆರ್ ಸಿಬಿ ತಂಡ ಫೀಲ್ಡಿಂಗ್ ಆಯ್ದುಕೊಂಡಿತು. ಅದರಂತೆ ಬ್ಯಾಟಿಂಗ್ ಗೆ ಇಳಿಯಲ್ಪಟ್ಟ ಡೆಲ್ಲಿ ನಿಗದಿತ ಇಪ್ಪತ್ತು ಓವರ್ ಗಳಲ್ಲಿ ನಾಲ್ಕು ವಿಕೆಟ್ ಗಳ ನಷ್ಟಕ್ಕೆ 196 ರನ್ ಗಳಿಸಿತು. ಡೆಲ್ಲಿ ಪರ ಪೃಥ್ವಿ ಶಾ 42, ಧವನ್ 32, ಶ್ರೇಯಸ್ ಐಯ್ಯರ್ 11, ಪಂತ್ 37, ಸ್ಟೋನಿಸ್ 53 ರನ್ ಗಳನ್ನು ಸಿಡಿಸಿದರು.

  ಇನ್ನು ಡೆಲ್ಲಿ ನೀಡಿದ ಗುರಿ ಬೆನ್ನತ್ತಿದ ಆರ್ ಸಿಬಿ ತಂಡಕ್ಕೆ ಉತ್ತಮ ಆರಂಭ ಸಿಕ್ಕಿಲ್ಲ. ಭರವಸೆ ಮೂಡಿಸಿದ್ದ ಆಟಗಾರ ದೇವದತ್ತ್ ಪಡಿಕ್ಕಲ್ ನಾಲ್ಕು, ಆರನ್ ಫಿಂಚ್ 13, ಎಬಿಡಿವಿಲಿಯರ್ಸ್ 9, ಮೊಯಿನ್ ಅಲಿ 11 ಹೀಗೆ ಬೇಗನೆ ಫೆವೀಲಿಯನ್ ಹಾದಿ ಹಿಡಿದರು. ಈ ವೇಳೆ ನಾಯಕ 43 ರನ್ ಗಳನ್ನು ಸಿಡಿಸಿ ಭರವಸೆ ಮೂಡಿಸಿದರಾದರೂ ಗೆಲ್ಲಲು ಸಾಧ್ಯವಾಗಲಿಲ್ಲ.