ಅಬುಧಾಬಿ: ಕಿಂಗ್ಸ್ ಇಲೆವೆನ್ ಪಂಜಾಬ್ ಗೆ ಎದುರಾಗಿದೆ ಸಂಕಷ್ಟ

•   Thu, Oct 08 2020 10:57:32 PM



• ಅಬುಧಾಬಿ, ಅ. 08 (DaijiworldNews/SM): ಇಲ್ಲಿನ ದುಬೈ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡಕ್ಕೆ ಸಂಕಷ್ಟ ಎದುರಾಗಿದೆ. ಗೆಲ್ಲಲು ಸನ್ ರೈಸರ್ ಹೈದ್ರಾಬಾದ್ ತಂಡ 202 ರನ್ ಗಳ ಗುರಿ ನೀಡಿದ್ದು, ರನ್ ಗಳಿಸಲು ಸಾಹಸ ಪಡುತ್ತಿದೆ.

  
  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ನಡೆಸಿದ ಹೈದ್ರಾಬಾದ್ ತಂಡಕ್ಕೆ ಉತ್ತಮ ಆರಂಭ ಸಿಕ್ಕಿತು. ಡೇವಿಡ್ ವಾರ್ನರ್(52) ಅರ್ಧ ಶತಕ ಸಿಡಿಸಿದರೆ, ಜಾನಿ ಬೈರ್ಸ್ಟ್ರ(97) ಶತಕದಂಚಿನಲ್ಲಿ ಎಡವಿದರು. 55 ಎಸೆತಗಳನ್ನು ಎದುರಿಸಿದ ಅವರು, 7 ಬೌಂಡರಿಗಳು ಹಾಗೂ 6 ಪ್ರಚಂಡ ಸಿಕ್ಸರ್ ಗಳನ್ನು ಸಿಡಿಸಿದರು. ಇನ್ನುಳಿದಂತೆ ಕೇನ್ ವಿಲಿಯಂಸನ್ 20 ರನ್ ಗಳನ್ನು ಸಿಡಿಸಿದರು. ಅಂತಿಮವಾಗಿ ಹೈದ್ರಾಬಾದ್ ತಂಡ 20 ಓವರ್ ಗಳಲ್ಲಿ 6 ವಿಕೆಟ್ ಗಳ ನಷ್ಟಕ್ಕೆ 201 ರನ್ ಗಳಿಸಿತು.

  ಪಂಜಾಬ್ ಪರ ರವಿ ಬಿಶ್ನಾಯ್ ಮೂರು, ಅರ್ಶದೀಪ್ ಸಿಂಗ್ ಎರಡು ಹಾಗೂ ಮಹಮ್ಮದ್ ಶಮಿ ಒಂದು ವಿಕೆಟ್ ಪಡೆದರು.