ಅಬ್ಬರಿಸಿದ ಎಬಿ ಡಿವಿಲಿಯರ್ಸ್-ಕೆಕೆ ಆರ್ ಗೆ 195 ರನ್ ಗುರಿ ನೀಡಿದ ಆರ್ ಸಿಬಿ

•   Mon, Oct 12 2020 09:28:05 PM



• ಅಬುಧಾಬಿ, ಅ. 12 (DaijiworldNews/SM): ಇಲ್ಲಿನ ಶಾರ್ಝಾ ಕ್ರಿಕೆಟ್ ಮೈದಾನದಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಆರ್ ಸಿಬಿಯ ಬ್ಯಾಟ್ಸ್ ಮನ್ ಎಬಿ ಡಿವಿಲಿಯರ್ಸ್ ಅಬ್ಬರಿಸಿದ್ದು, ಕೋಲ್ಕತ್ತಾ ನೈಟ್ ರೈಡರ್ಸ್ ಗೆ ಗೆಲ್ಲಲು ಬೆಂಗಳೂರು ತಂಡ 195 ರನ್ ಗಳ ಗುರಿ ನೀಡಿದೆ.

  

  ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಗೆ ಇಳಿದ ಕೊಹ್ಲಿ ಬಳಗ ನಿಗಧಿತ ಇಪ್ಪತ್ತು ಓವರ್ ಗಳಲ್ಲಿ ಎರಡು ವಿಕೆಟ್ ಗಳ ನಷ್ಟಕ್ಕೆ 194 ರನ್ ಗಳಿಸಿತು. ಆರಂಭಿಕ ಆಟಗಾರ ಆರನ್ ಫಿಂಚ್ 47 ರನ್ ಸಿಡಿಸಿದರು. ದೇವದತ್ತ್ ಪಡಿಕ್ಕಲ್ 32, ನಾಯಕ ವಿರಾಟ್ 33ರನ್ ಸಿಡಿಸಿದರು. ಮತ್ತೊಂದೆಡೆ, ಬ್ಯಾಟಿಂಗ್ ಗೆ ಇಳಿದ ಎಬಿಡಿವಿಲಿಯರ್ಸ್ 33 ಎಸೆತಗಳನ್ನು ಎದುರಿಸಿ 5 ಬೌಂಡರಿ ಹಾಗೂ 6 ಸಿಕ್ಸರ್ ಗಳ ನೆರವಿನಿಂದ 73 ರನ್ ಸಿಡಿಸಿದರು.

  ಅಂತಿಮವಾಗಿ ಇಪ್ಪತ್ತು ಓವರ್ ಗಳಲ್ಲಿ ಆರ್ ಸಿಬಿ ಎರಡು ವಿಕೆಟ್ ಗಳ ನಷ್ಟಕ್ಕೆ 194 ರನ್ ಸಿಡಿಸಿತು.