ಅಬುಧಾಬಿ: ಅಜೇಯ ಶತಕದೊಂದಿಗೆ ಅಬ್ಬರಿಸಿದ ಬೆನ್ ಸ್ಟ್ರೋಕ್ಸ್-ಮುಂಬೈಗೆ ಸೋಲುಣಿಸಿದ ರಾಜಸ್ಥಾನ

•   Sun, Oct 25 2020 11:07:34 PM



• ಅಬುಧಾಬಿ, ಅ. 25 (DaijiworldNews/SM): ಇಲ್ಲಿನ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್ ತಂಡ ಎಂಟು ವಿಕೆಟ್ ಗಳ ಗೆಲುವು ದಾಖಲಿಸಿದೆ. ರಾಜಸ್ಥಾನ ಪರ ಸ್ಟ್ರೋಕ್ಸ್ ಅಬ್ಬರಿಸಿದ್ದಾರೆ. ಮುಂಬೈ ಬೌಲರ್ ಗಳನ್ನು ಮನಬಂದಂತೆ ಚಚ್ಚಿದ್ದಾರೆ. ಮೈದಾನದ ಎಲ್ಲಾ ಕಡೆಗಳಿಗೆ ಚೆಂಡನ್ನು ಅಟ್ಟಿದ್ದಾರೆ. ಅಜೇಯವಾಗಿ 107 ರನ್ ಗಳಿಸಿ ತಂಡಕ್ಕೆ ಗೆಲುವನ್ನು ತಂದುಕೊಟ್ಟಿದ್ದಾರೆ. ಇನ್ನು ಸಂಜುಸ್ಯಾಮ್ಸನ್ 54 ರನ್ ಸಿಡಿಸಿದ್ದಾರೆ.

  

  ಇಲ್ಲಿನ ಶೇಖ್ ಝೈಯ್ಯದ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ, ಟಾಸ್ ಗೆದ್ದ ಮುಂಬೈ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಮುಂಬೈ ತಂಡಕ್ಕೆ ಉತ್ತಮ ಆರಂಭ ಸಿಕ್ಕಿತು. ಆರಂಭಿಕ ಆಟಗಾರ ಇಶಾಂತ್ ಕಿಶಾನ್ 37 ರನ್ ಸಿಡಿಸಿದರು. ಡಿ ಕಾಕ್ 6 ರನ್ ಸಿಡಿಸಿ ನಿರ್ಗಮಿಸಿದರು. ಸೂರ್ಯ ಕುಮಾರ್ ಯಾದವ್ 40, ಸೌರಭ್ ತಿವಾರಿ 34 ರನ್ ಗಳನ್ನು ಸಿಡಿಸಿದರು. ಈ ನಡುವೆ ಪೊಲಾರ್ಡ್ ವಿಫಲಾದರೆ, ಹಾರ್ದಿಕ್ ಪಾಂಡ್ಯ ಅಬ್ಬರಿಸಿದರು. ಪಾಂಡ್ಯ ಅವರು, 21 ಎಸೆತಗಳಲ್ಲಿ 2 ಬೌಂಡರಿಗಳು ಹಾಗೂ 7 ಭರ್ಜರಿ ಸಿಕ್ಸರ್ ಗಳ ನೆರವಿನಿಂದ 60 ರನ್ ಸಿಡಿಸಿದರು. ಇದರಿಂದಾಗಿ ತಂಡದ ಮೊತ್ತ ಇನ್ನೂರರ ಸನಿಹಕ್ಕೆ ತಲುಪಲು ಸಾಧ್ಯವಾಯಿತು.