ಪ್ರಪಾತಕ್ಕುರುಳಿದ ವಿಶ್ವ ಪ್ರಸಿದ್ದ ಗಾಲ್ಫರ್‌ ಟೈಗರ್‌‌ ವುಡ್ಸ್‌ರ ಕಾರು - ಗಂಭೀರ ಗಾಯ

•   Wed, Feb 24 2021 10:22:55 AM



• ಕ್ಯಾಲಿಫೋರ್ನಿಯಾ, ಫೆ.24 (DaijiworldNews/PY): ವಿಶ್ವ ಪ್ರಸಿದ್ದ ಗಾಲ್ಫರ್‌ ಟೈಗರ್‌‌ ವುಡ್ಸ್‌ (45‌) ಅವರಿದ್ದ ಕಾರು ಪ್ರಪಾತಕ್ಕೆ ಉರುಳಿಬಿದ್ದ ಘಟನೆ ಕ್ಯಾಲಿಫೊನಿರ್ಯಾದಲ್ಲಿ ಫೆ.23ರ ಮಂಗಳವಾರದಂದು ನಡೆದಿದೆ.

  

  ಕಾರು ಪ್ರಪಾತಕ್ಕೆ ಉರುಳಿಬಿದ್ದ ಪರಿಣಾಮ ಅದೃಷ್ಟವಶಾತ್‌ ಟೈಗರ್‌ ವುಡ್ಸ್‌ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಆದರೆ, ಅವರು ಗಂಭೀರ ಗಾಯಗೊಂಡಿದ್ದಾರೆ.

  ಟೈಗರ್‌ ವುಡ್ಸ್‌ ಅವರ ಕಾಲಿಗೆ ಬಲವಾಗಿ ಗಾಯವಾಗಿದ್ದು, ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಶಸ್ತ್ರ ಚಿಕಿತ್ಸೆ ನಡೆದಿದೆ ಎಂದು ವೈದ್ಯರ ವರದಿ ತಿಳಿಸಿದೆ.

  ಅಪಘಾತದ ಪರಿಣಾಮ ಟೈಗರ್‌ ವುಡ್ಸ್‌ ಅವರ ಕಾರು ಸಂಪೂರ್ಣವಾಗಿ ಜಖಂಗೊಂಡಿದೆ ಎಂದು ಲಾಸ್‌ ಏಂಜಲಿಸ್‌ ಕೌಂಟಿ ಶೆರಿಫ್‌ ಇಲಾಖೆ ಹೇಳಿದೆ.

  ಫೆ.23ರ ಮಂಗಳವಾರದಂದು ಬೆಳಗ್ಗೆ 7.12ರ ಸುಮಾರಿಗೆ ಬ್ಲ್ಯಾಕ್‌ಹಾರ್ಸ್‌ ರಸ್ತೆಯಲ್ಲಿರುವ ಹಾಥಾರ್ನ್‌ ಬೌಲೆವಾರ್ಡ್‌ನಲ್ಲಿ ಉತ್ತರಕಡೆಗೆ ಪ್ರಯಾಣಿಸುತ್ತಿರುವ ಸಂದರ್ಭ ಟೈಗರ್‌ ವುಡ್ಸ್‌ ಅವರ ಕಾರು ಅಪಘಾತಕ್ಕೀಡಾಗಿದೆ. ವುಡ್ಸ್‌ ಅವರು ಅದೃಷ್ಟವಶಾತ್‌‌‌‌‌‌ ಪ್ರಾಣಾಪಾಯದಿಂದ ಪಾರಾಗಿದ್ದು, ಗಾಯಗೊಂಡಿದ್ದ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದುವರದಿ ತಿಳಿಸಿದೆ.

  ಟೈಗರ್‌ ವುಡ್ಸ್‌ ಅವರು 15 ಬಾರಿ ವಿಶ್ವ ಚಾಂಪಿಯನ್‌ ಪಟ್ಟಕೇರಿದ್ದಾರೆ. ಇವರು ವಿಶ್ವದ ಶ್ರೀಮಂತ ಕ್ರೀಡಾಪಟುಗಳಲ್ಲಿ ಒಬ್ಬರು. 2009ರಲ್ಲಿ ಭೀಕರ ಅಪಘಾತಕ್ಕೀಡಾಗಿದ್ದರು