ದಕ್ಷಿಣ ಆಫ್ರಿಕಾ ವಿರುದ್ದದ ಏಕದಿನ, ಟಿ20 ಸರಣಿಗೆ ಭಾರತದ ಮಹಿಳಾ ತಂಡಗಳು ಪ್ರಕಟ

•   Sat, Feb 27 2021 04:42:01 PM



• ಮುಂಬೈ, ಫೆ.27 (DaijiworldNews/PY): ಮುಂದಿನ ತಿಂಗಳಿನಿಂದ ದಕ್ಷಿಣ ಆಫ್ರಿಕಾದ ವಿರುದ್ದ ನಡೆಯಲಿರುವ ಏಕದಿನ ಹಾಗೂ ಟಿ20 ಸರಣಿಗೆ ಭಾರತೀಯ ತಂಡವನ್ನು ಪ್ರಕಟಿಸಿದೆ.

  

  ಏಕದಿನ ತಂಡವನ್ನು ಮಿಥಾಲಿ ರಾಜ್‌ ಮುನ್ನಡೆಸಿದರೆ, ಹರ್ಮನ್‌ ಪ್ರೀತ್‌ ಕೌರ್‍ ಉಪನಾಯಕಿಯಾಗಿದ್ದಾರೆ. ಹರ್ಮ‌ನ್‌ ಪ್ರೀತ್ ಕೌರ್‌ ಅವರು ಟಿ20 ತಂಡವನ್ನು ಮು‌ನ್ನಡೆಸಲಿದ್ದು, ಸ್ಮೃತಿ ಮಂದಾನ ಅವರು ಉಪನಾಯಕಿಯಾಗಿದ್ದಾರೆ.

  ಸರಣಿಯಲ್ಲಿ ಐದು ಏಕದಿನ ಪಂದ್ಯಗಳು ಹಾಗೂ ಮೂರು ಟಿ20 ಪಂದ್ಯಗಳು ನಡೆಯಲಿವೆ. ಈ ಸರಣಿಯು ಮಾರ್ಚ್‌ 7ರಿಂದ ಮಾರ್ಚ್ 23ರ ತನಕ ನಡೆಯಲಿದೆ. ಈ ಎಲ್ಲಾ ಪಂದ್ಯಗಳು ಲಕ್ನೋದಲ್ಲಿ ನಡೆಯಲಿವೆ.

  ಏಕದಿನ ತಂಡದಲ್ಲಿ, ಮಿಥಾಲಿ ರಾಜ್‌ (ನಾಯಕಿ), ಹರ್ಮನ್‌ಪ್ರೀತ್ ಕೌರ್ (ಉಪನಾಯಕಿ), ಸುಷ್ಮಾ ವರ್ಮಾ (ವಿಕೆಟ್ ಕೀಪರ್) ), ಸ್ಮೃತಿ ಮಂದಾನ, ಪೂನಂ ರಾವತ್, ಜೆಮಿಮಾ ರೊಡ್ರೀಗಸ್, ಯಸ್ತಿಕಾ ಭಾಟಿಯಾ, ಪ್ರಿಯಾ ಪುನಿಯಾ, ದೀಪ್ತಿ ಶರ್ಮಾ, ಡಿ.ಹೇಮಲತಾ, ರಾಧಾ ಯಾದವ್, ಮಾನ್ಸಿ ಜೋಶಿ, ರಾಜೇಶ್ವರಿ ಗಾಯಕ್ವಾಡ್, ಪೂನಮ್ ಯಾದವ್, ಜುಲಾನ್ ಗೋಸ್ವಾಮಿ, ಸಿ.ಪ್ರತಿಷಾ, ಮೋನಿಕಾ ಪಟೇಲ್

  ಟಿ20 ತಂಡದಲ್ಲಿ, ಹರ್ಮನ್‌ಪ್ರೀತ್ ಕೌರ್ (ನಾಯಕಿ), ಸ್ಮೃತಿ ಮಂದಾನ (ಉಪನಾಯಕ), ಸುಷ್ಮಾ ವರ್ಮಾ (ವಿಕೆಟ್ ಕೀಪರ್), ನುಜ್ಹತ್ ಪರ್ವೀನ್ (ವಿಕೆಟ್ ಕೀಪರ್), ಹರ್ಲೀನ್ ಡಿಯೋಲ್, ಅಯುಶಿ ರೆಡ್ಡಿ, ಶಫಾಲಿ ವರ್ಮಾ, ಜೆಮಿಮಾ ರೊಡ್ರೀಗಸ್, ರಾಜೇಶ್ವರಿ ಗಾಯಕ್ವಾಡ್, ಪೂನಂ ಯಾದವ್, ದೀಪ್ತಿ ಶರ್ಮಾ, ರಿಚಾ ಘೋಷ್, ಮೋನಿಕಾ ಪಟೇಲ್, ಸಿ.ಪ್ರತ್ಯುಷಾ, ರಾಧಾ ಯಾದವ್, ಸಿಮ್ರನ್ ದಿಲ್ ಬಹದ್ದೂರ್, ಮಾನ್ಸಿ ಜೋಶಿ.