ನಾಲ್ಕನೇ ಟಿ-20 ಪಂದ್ಯದಲ್ಲಿ ಭಾರತಕ್ಕೆ 8 ರನ್ ಗಳ ಗೆಲುವು

•   Thu, Mar 18 2021 11:27:20 PM



• ಅಹಮದಾಬಾದ್, ಮಾ. 17 (DaijiworldNews/SM): ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ನಾಲ್ಕನೇ ಟಿ-೨೦ ಪಂದ್ಯದಲ್ಲಿ ಟೀಂ ಇಂಡಿಯಾ ಎಂಟು ರನ್ ಗಳಿಂಗೆ ಗೆಲುವು ದಾಖಲಿಸುವ ಮೂಲಕ ಸರಣಿಯನ್ನು ಸದ್ಯ ಸಮಬಲ ಮಾಡಿಕೊಂಡಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಟೀಂ ಇಂಡಿಯಾ ನಿಗದಿತ ಇಪ್ಪತ್ತು ಓವರ್ ಗಳಲ್ಲಿ 8 ವಿಕೆಟ್ ಗಳ ನಷ್ಟಕ್ಕೆ 185 ರನ್ ಗಳಿಸಿತು. ಭಾರತ ಪರ ಆರಂಭಿಕರಾದ ರೋಹಿತ್ 12, ರಾಹುಲ್ 14 ರನ್ ಗಳಿಸಿದರೆ, ಸೂರ್ಯ ಕುಮಾರ್ ಯಾದವ್ 31 ಎಸೆತಗಳಲ್ಲಿ 3 ಸಿಕ್ಸರ್ ಹಾಗೂ 6 ಬೌಂಡರಿಗಳ ನೆರವಿನಿಂದ 57 ರನ್ ಗಳಿಸಿ ಮಿಂಚಿದರು. ಇನ್ನುಳಿದಂತೆ ಪಂತ್ 30, ಶ್ರೇಯಸ್ ಐಯ್ಯರ್ 37 ರನ್ ಗಳನ್ನು ಸಿಡಿಸಿದರು.

  ಇದಕ್ಕೆ ಉತ್ತರವಾಗಿ ಇಂಗ್ಲೆಂಡ್ ತಂಡ 20 ಓವರ್ ಗಳಲ್ಲಿ ಎಂಟು ವಿಕೆಟ್ ಗಳ ನಷ್ಟಕ್ಕೆ 177 ರನ್ ಗಳಿಸಿ ಎಂಟು ರನ್ ಗಳ ಅಂತರದ ಸೋಲನುಭವಿಸಿತು. ಇಂಗ್ಲೆಂಡ್ ಪರ ಆರಂಭಿಕ ಆಟಗಾರ ಜೇಸನ್ ರಾಯ್ 40, ಮಲನ್ 14, ಬೈರ್ಸ್ಟ್ರಾ 25, ಬೆನ್ ಸ್ಟ್ರೋಕ್ಸ್ 46 ರನ್ ಗಳಿಸಿದರು.

  ಟೀಂ ಇಂಡಿಯಾ ಪರ ಶಾರ್ದುಲ್ ಠಾಕೂರ್ ಮೂರು, ಹಾರ್ದಿಕ್ ಪಾಂಡ್ಯ ಹಾಗೂ ರಾಹುಲ್ ಚಾಹರ್ ತಲಾ ಎರಡು ವಿಕೆಟ್ ಪಡೆದರು. ಇನ್ನು ಇಂಗ್ಲೆಂಡ್ ಪರ ಆರ್ಚರ್ 4 ವಿಕೆಟ್ ಪಡೆದರು.