ಪಂಜಾಬ್‌ ತಂಡದ ನೂತನ ಜೆರ್ಸಿ ಆರ್‌ಸಿಬಿ ಜೆರ್ಸಿಯಂತಿದೆ ಎಂದು ಟ್ರೋಲ್‌ ಮಾಡಿದ ನೆಟ್ಟಿಗರು!

•   Thu, Apr 01 2021 10:29:19 AM



• ನವದೆಹಲಿ, ಏ.01 (DaijiworldNews/HR): ಪಂಜಾಬ್‌ ಕಿಂಗ್ಸ್‌ 14ನೇ ಆವೃತ್ತಿಯ ಐಪಿಎಲ್‌ಗೆ ಹೊಸ ಜೆರ್ಸಿ ಬಿಡುಗಡೆ ಮಾಡಿದ್ದು, ಅದು ಆರ್‌ಸಿಬಿ ತಂಡವು 2009ರ ಆವೃತ್ತಿಯಲ್ಲಿ ಧರಿಸಿದ್ದ ಜೆರ್ಸಿಯಂತಿದೆ ಎಂದು ಸಾಮಾಜಿಕ ತಾಣಗಳಲ್ಲಿ ಅಭಿಮಾನಿಗಳು ಟ್ರೋಲ್‌ ಮಾಡಿದ್ದಾರೆ.

  

  ಅನಿಲ್‌ ಕುಂಬ್ಳೆ ಅವರು 2009ರಲ್ಲಿ ಆರ್‌ಸಿಬಿ ನಾಯಕರಾಗಿದ್ದು, ಈಗ ಪಂಜಾಬ್‌ ತಂಡದ ಕೋಚ್‌ ಆಗಿದ್ದು, ವಿವಿಧ ಆವೃತ್ತಿಗಳಲ್ಲಿ ಆರ್‌ಸಿಬಿ ಪರ ಆಡಿದ 9 ಆಟಗಾರರು ಈಗ ಪಂಜಾಬ್‌ ತಂಡದಲ್ಲಿದ್ದಾರೆ.

  ಬಾಲಿವುಡ್‌ ನಟಿ ಪ್ರೀತಿ ಜಿಂಟಾ ಮಾಲಿಕತ್ವದ ಪಂಜಾಬ್‌ ತಂಡ ಮುಂದಿನ ವರ್ಷ 'ಮಾಜಿ ಆರ್‌ಸಿಬಿ' ಎಂದು ತಂಡದ ಹೆಸರನ್ನು ಬದಲಿಸಿಕೊಂಡರೆ ಅಚ್ಚರಿಯಿಲ್ಲ ಎಂದು ಅಭಿಮಾನಿಗಳು ಸಾಮಾಜಿಕ ತಾಣಗಳಲ್ಲಿ ಅಭಿಪ್ರಾಯಪಟ್ಟಿದ್ದಾರೆ.

  ಇನ್ನು 14ನೇ ಆವೃತ್ತಿಯ ಐಪಿಎಲ್‌ ಟೂರ್ನಿಗೂ ಮುನ್ನ ಪಂಜಾಬ್‌ ಫ್ರಾಂಚೈಸಿ ಕಿಂಗ್ಸ್‌ ಇಲೆವನ್ ಪಂಜಾಬ್‌ ಹೆಸರನ್ನು ಪಂಜಾಬ್ ಕಿಂಗ್ಸ್‌ ಎಂದು ಬದಲಿಸಿಕೊಂಡಿದೆ ಎನ್ನಲಾಗಿದೆ.