ಅಹಮದಾಬಾದ್: ರಾಹುಲ್ ಅಬ್ಬರಕ್ಕೆ ಮಂಕಾದ ಆರ್ ಸಿಬಿ-ಪಂಜಾಬ್ ಗೆ 34 ರನ್ ಗೆಲುವು

•   Sat, May 01 2021 09:55:59 AM



• ಅಹಮದಾಬಾದ್, ಏ. 30 (DaijiworldNews/SM): ಕನ್ನಡಿಗ ಕೆ.ಎಲ್. ರಾಹುಲ್ ಅಬ್ಬರದ ಆಟಕ್ಕೆ ತಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಶರಣಾಗಿದೆ. ಆ ಮೂಲಕ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ 34 ರನ್ ಗಳ ಅಂತರದ ಗೆಲುವನ್ನು ದಾಖಲಿಸಿದೆ.

  

  ಇಲ್ಲಿನ ನರೇಂದ್ರ ಮೋದಿ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಗೆಲ್ಲಲು ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡ 180 ರನ್ ಗಳ ಗುರಿ ನೀಡಿತ್ತು. ಪಂಜಾಬ್ ಪರ ನಾಯಕ ಕೆ.ಎಲ್. ರಾಹುಲ್ ಅಬ್ಬರದ ಆಟ ಪ್ರದರ್ಶಿಸಿದರು. 57 ಎಸೆತಗಳನ್ನು ಎದುರಿಸಿದ ರಾಹುಲ್, ಏಳು ಬೌಂಡರಿಗಳು ಹಾಗೂ ಐದು ಭರ್ಜರಿ ಸಿಕ್ಸರ್ ಗಳನ್ನು ಸಿಡಿಸಿ 91 ರನ್ ಗಳಿಸಿದರು.

  ಇನ್ನು ಪಂಜಾಬ್ ನೀಡಿದ ಗುರಿ ಬೆನ್ನಟ್ಟಿದ ಆರ್ ಸಿಬಿ ತಂಡ ಆರಂಭಿಕ ಆಘಾತ ಅನುಭವಿಸಿತು. ಕನ್ನಡಿಗ ಪಡಿಕ್ಕಲ್ ಮತ್ತೊಮ್ಮೆ ವಿಫಲರಾದರು. ವಿರಾಟ್ ಕೊಹ್ಲಿ 35, ಪಟಿದಾರ್ 31, ಹರ್ಷಲ್ ಪಾಟೆಲ್ 31 ರನ್ ಗಳಿಸಿದರು. ಅಂತಿಮವಾಗಿ, ಇಪ್ಪತ್ತು ಓವರ್ ಗಳಲ್ಲಿ ಎಂಟು ವಿಕೆಟ್ ಗಳ ನಷ್ಟಕ್ಕೆ 145 ರನ್ ಗಳಿಸಿ 34 ರನ್ ಗಳ ಅಂತರದ ಸೋಲು ಕಂಡಿತು.