ಅಕ್ಟೋಬರ್ 17 ರಿಂದ ಟಿ20 ವಿಶ್ವಕಪ್‌ ಟೂರ್ನಿ ಯುಎಇ ಯಲ್ಲಿ ಆರಂಭ

•   Tue, Jun 29 2021 04:39:53 PM



• ನವದೆಹಲಿ, ಜೂ 29  (DaijiworldNews/MS):ಕೊರೋನಾ ಕಾರಣದಿಂದಾಗಿ ಟಿ20 ವಿಶ್ವಕಪ್‌ ಟೂರ್ನಿ ಯುಎಇಗೆ ಸ್ಥಳಾಂತರಿಸಲಾಗುವುದು ಎಂದು ಬಿಸಿಸಿಐ ಘೋಷಿಸಿದ ಒಂದು ದಿನ ಬಳಿಕ ಪಂದ್ಯಗಳ ಆಯೋಜನೆಯ ದಿನಾಂಕವನ್ನ ಐಸಿಸಿ ಪ್ರಕಟಿಸಿದೆ.

   

  'ಪುರುಷರ ಟಿ20 ವಿಶ್ವಕಪ್ 2021ರ ಸ್ಥಳವನ್ನ ಯುಎಇ ಮತ್ತು ಒಮನ್ʼಗೆ ಸ್ಥಳಾಂತರಿಸಲಾಗಿದೆ. ಇನ್ನು ಪಂದ್ಯಾವಳಿಯು ಅಕ್ಟೋಬರ್ 17 ರಿಂದ ನವೆಂಬರ್ 14ರವರೆಗೆ ನಡೆಯಲಿದೆ. ಬಿಸಿಸಿಐ ಈ ಕಾರ್ಯಕ್ರಮದ ಆತಿಥೇಯರಾಗಿ ಉಳಿಯಲಿದೆ' ಎಂದು ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ತಿಳಿಸಿದೆ.

  ಸೋಮವಾರ ತಾನೆ 'ಕೊರೊನಾ ಆತಂಕದ ಹಿನ್ನೆಲೆಯಲ್ಲಿ ಈ ವರ್ಷದ ಟಿ20 ವಿಶ್ವಕಪ್‌ʼನ್ನ ಯುಎಇಗೆ ಸ್ಥಳಾಂತರಿಸಲಾಗಿದೆ. ಇನ್ನು ಪಂದ್ಯಗಳ ದಿನಾಂಕಗಳನ್ನ ಐಸಿಸಿ ನಿರ್ಧರಿಸಲಿದೆ' ಎಂದು ಬಿಸಿಸಿಐ ಹೇಳಿತ್ತು.

  ಟಿ20 ವಿಶ್ವಕಪ್ ಭಾರತದಿಂದ ಹೊರಗಿನ ಸ್ಥಳದಲ್ಲಿ ನಡೆದರೂ ಆಯೋಜನೆಯ ಹಕ್ಕುಗಳು ಮಾತ್ರ ಬಿಸಿಸಿಐ ಉಳಿಸಿಕೊಳ್ಳಲಿದೆ. ಇನ್ನು ಈ ನಡುವೆ ಐಪಿಎಲ್ ನ ಉಳಿದ ಪಂದ್ಯಗಳು ಕೂಡ ಯು ಎಇಯಲ್ಲೇ ನಡೆಸಲು ನಿರ್ಧಾರ ಕೈಗೊಳ್ಳಲಾಗಿದ್ದು, ಸೆಪ್ಟೆಂಬರ್ 19ರಿಂದ ಪಂದ್ಯಗಳು ಆರಂಭಗೊಳ್ಳಲಿದೆ. ಅಕ್ಟೋಬರ್ 15ರಂದು ಫೈನಲ್ ಪಂದ್ಯ ನಡೆಯಲಿದೆ.