ಟೋಕಿಯೊ ಒಲಿಂಪಿಕ್ಸ್‌ - ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದ ಆತನು ದಾಸ್‌ಗೆ ಸೋಲು

•   Sat, Jul 31 2021 09:17:33 AM



• ಟೋಕಿಯೊ, ಜು 31 (DaijiworldNews/PY): ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಬಿಲ್ಗಾರಿಕೆ ವಿಭಾಗದಲ್ಲಿ ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದ ಭಾರತದ ಅತನು ದಾಸ್‌ ಅವರು ಕ್ವಾರ್ಟರ್‌ ಫೈನಲ್‌‌ನಲ್ಲಿ ಸೋಲನುಭವಿಸಿದ್ದಾರೆ.

  

  2012ರ ಒಲಿಂಪಿಕ್ಸ್‌ನಲ್ಲಿ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ ಜಪಾನ್‌‌ನ ತಕಹರು ಫುರುಕುವಾ ಅವರ ವಿರುದ್ದ ಅತನು ದಾಸ್‌ 4-6 ಅಂತರದಿಂದ ಸೋಲನ್ನಪ್ಪಿದ್ದಾರೆ.

  ಈ ಹಿಂದೆ ನಡೆದ ಪಂದ್ಯದಲ್ಲಿ ಲಂಡನ್‌ ಒಲಿಂಪಿಕ್ಸ್‌ನ ಚಿನ್ನದ ಪದಕ ವಿಜೇತ ದಕ್ಷಿಣ ಕೊರಿಯಾದ ಓಹ್‌‌ ಜಿನ್‌ ಹಿಯೆಕ್‌‌ ವಿರುದ್ದ 6-5ರ ಅಂತರದ ರೋಚಕ ಗೆಲುವು ಸಾಧಿಸಿ ಪ್ರಿಕ್ವಾರ್ಟರ್‌‌‌ ಫೈನಲ್‌ ಪ್ರವೇಶಿಸಿದ್ದರು. ಈ ಮೂಲನ ಅತನು ದಾಸ್‌ ಅವರು ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದರು.

  ಅತನು ದಾಸ್‌ ಅವರ ಪತ್ನಿ ದೀಪಿಕಾ ಕುಮಾರಿ ಅವರ ಟೋಲಿಯೊ ಒಲಿಂಪಿಕ್ಸ್‌ ಪ್ರಯಾಣ ಅಂತ್ಯವಾಗಿದ್ದು, ಕ್ವಾರ್ಟರ್‌ ಫೈನಲ್‌ನಲ್ಲಿ ದೀಪಿಕಾ ಕುಮಾರಿ ಸೋಲನುಭವಿಸಿದ್ದರು.