ಟೋಕಿಯೊ ಒಲಿಂಪಿಕ್ಸ್‌ - ಕ್ವಾರ್ಟರ್‌ ಫೈನಲ್‌ನಲ್ಲಿ ಸೋತ ಬಾಕ್ಸರ್‌ ಸತೀಶ್‌ ಕುಮಾರ್‌

•   Sun, Aug 01 2021 11:26:28 AM



• ಟೋಕಿಯೊ, ಆ 01 (DaijiworldNews/PY): ಟೋಕಿಯೊ ಒಲಿಂಪಿಕ್ಸ್‌‌ನಲ್ಲಿ ಕ್ವಾರ್ಟರ್‌ ಫೈನಲ್‌ ತಲುಪಿದ್ದ ಭಾರತದ ಭರವಸೆಯ ಬಾಕ್ಸರ್‌‌ ಸತೀಶ್‌ ಕುಮಾರ್‌‌ (91 ಕೆಜಿ) ಬಾಕ್ಸಿಂಗ್‌‌ ವಿಭಾಗದಲ್ಲಿ ವಿಶ್ವದ ನಂಬರ್‌‌ 1 ಬಾಕ್ಸರ್‌‌ ಉಜ್ಜೇಕಿಸ್ತಾನ್ ಬಖೋದಿರ್‌‌‌ ಜಲೋವ್‌ ವಿರುದ್ದ ಸೋಲು ಅನುಭವಿಸಿದ್ದಾರೆ.

  

  ಜಮೈಕಾದ ರಿಕಾರ್ಡೊ ಬ್ರೌನ್‌ ಅವರನ್ನು 4-1 ಪಾಯಿಂಟ್‌ ಅಂತರದಿಂದ ಸೋಲಿಸುವ ಮೂಲಕ ಕ್ವಾರ್ಟರ್‌ ಫೈನಲ್‌‌‌ ಪ್ರವೇಶಿಸಿದ್ದ ಸತೀಶ್‌ ಕುಮಾರ್‌ ಇದೀಗ ಉಜ್ಜೇಕಿಸ್ತಾನದ ಬಖೋದಿರ್‌‌ ಜಲೋವ್‌‌‌ ಎದುರು ಸೋಲನುಭವಿಸಿದ್ದಾರೆ.

  2018ರಲ್ಲಿ ಕಾಮನ್‌ವೆಲ್ತ್ ಗೇಮ್ಸ್‌ನಲ್ಲಿ ರಜತ ಪದಕ ಗೆದ್ದಿದ್ದ ಸತೀಶ್‌ ಕುಮಾರ್‌ ಅವರ ಮೇಲೆ ಕ್ರೀಡಾಭಿಮಾನಿಗಳಲ್ಲಿ ಹೆಚ್ಚಿನ ನಿರೀಕ್ಷೆ ಇತ್ತು.