ದುಬೈ: ರಾಜಸ್ಥಾನ ರಾಯಲ್ಸ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ 7 ವಿಕೆಟ್ ಜಯ

•   Wed, Sep 29 2021 11:05:55 PM



• ದುಬೈ, ಸೆ. 29 (DaijiworldNews/SM): ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಕ್ರಿಕೆಟ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ರಾಜಸ್ಥಾನ ರಾಯಲ್ಸ್ ವಿರುದ್ಧ ಏಳು ವಿಕೆಟ್ ಗಳ ಭರ್ಜರಿ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ರಾಜಸ್ಥಾನಕ್ಕೆ ಉತ್ತರ ಆರಂಭ ಲಭಿಸಿತು. ಆರಂಭಿಕ ಎವಿನ್ ಲೂವಿಸ್ 58, ಜಯ್ಶ್ವಾಲ್ 31, ಸಂಜು ಸ್ಯಾಮ್ಸನ್ 19, ಕ್ರಿಸ್ ಮೋರಿಸ್ 14 ರನ್ ಗಳಿಸಿದರು. ಉತ್ತಮ ಆರಂಭ ಪಡೆದುಕೊಂಡ ರಾಜಸ್ಥಾನ ತಂಡಕ್ಕೆ ಮಧ್ಯಮ ಕ್ರಮಾಂಕದಲ್ಲಿ ನಿರೀಕ್ಷಿತ ಪ್ರದರ್ಶನ ಸಿಗಲಿಲ್ಲ ಇದರಿಂದಾಗಿ 20 ಓವರ್ ಗಳಲ್ಲಿ 9 ವಿಕೆಟ್ ಗಳ ನಷ್ಟಕ್ಕೆ 149 ರನ್ ಗಳಿಸಿ ಆರ್ ಸಿಬಿ ತಂಡಕ್ಕೆ ಗೆಲ್ಲಲು 150 ರನ್ ಗಳ ಗುರಿ ನೀಡಿದೆ.

  ಇದಕ್ಕೆ ಉತ್ತರವಾಗಿ ಬೆಂಗಳೂರು ತಂಡದ ಪರ ವಿರಾಟ್ ಕೊಹ್ಲಿ 25, ಪಡಿಕ್ಕಲ್ 22, ಭರತ್ 44, ಮ್ಯಾಕ್ಸ್ ವೆಲ್ 50 ರನ್ ಗಳಿಸಿ ತಂಡದ ಗೆಲುವಿನ ರುವಾರಿಗಳೆಣಿಸಿಕೊಂಡರು.

  ಇನ್ನು ಬೆಂಗಳೂರು ಪರ ಶಿಸ್ತಿನ ಬೌಲಿಂಗ್ ನಡೆಸಿದ ಹರ್ಷಲ್ ಪಾಟೇಲ್ 3, ಚಾಹಲ್, ಶಬ್ಬಾಝ್ ತಲಾ 2 ವಿಕೆಟ್ ಪಡೆದರು. ಇನ್ನು ರಾಜಸ್ಥಾನ ಪರ ರಹಮಾನ್ 2 ವಿಕೆಟ್ ಪಡೆದರು.