ಶಾರ್ಜಾ: ರಾಜಸ್ಥಾನ ವಿರುದ್ಧ ಮುಂಬೈ ತಂಡಕ್ಕೆ 8 ವಿಕೆಟ್ ಗಳ ಭರ್ಜರಿ ಗೆಲುವು

•   Tue, Oct 05 2021 10:37:57 PM



• ಶಾರ್ಜಾ, ಅ. 05 (DaijiworldNews/SM): ಇಲ್ಲಿನ ಶಾರ್ಜಾ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ರಾಜಸ್ಥಾನ ತಂಡದ ವಿರುದ್ಧ ಮುಂಬೈ ಇಂಡಿಯನ್ಸ್ ತಂಡ ಎಂಟು ವಿಕೆಟ್ ಗಳಿಂದ ಭರ್ಜರಿ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ರಾಜಸ್ಥಾನ ತಂಡದ ಬ್ಯಾಟಿಂಗ್ ವಿಭಾಗವನ್ನು ಮುಂಬೈ ಬೌಲರ್ ಗಳು ನಿಯಂತ್ರಿಸಿದರು. ಇದರಿಂದಾಗಿ ರಾಜಸ್ಥಾನ ಅಲ್ಪ ಮೊತ್ತಕ್ಕೆ ಕುಸಿಯಿತು.
  ಆರಂಭಿಕ ಆಟಗಾರ ಎವಿನ್ ಲುವಿಸ್ 24, ಯಶಸ್ವಿ ಜೈಶ್ವಾಲ್ 12, ಡೇವಿಡ್ ಮಿಲ್ಲರ್ 15 ರನ್ ಗಳಿಸಿದರು. ಉಳಿದಂತೆ ಇತರ ಆಟಗಾರರಿಂದ ನಿರೀಕ್ಷಿತ ಪ್ರದರ್ಶನ ಕಂಡು ಬರಲಿಲ್ಲ. ಅಂತಿಮವಾಗಿ 20 ಓವರ್ ಗಳಲ್ಲಿ 9 ವಿಕೆಟ್ ಗಳ ನಷ್ಟಕ್ಕೆ 90 ರನ್ ಗಳಿಸಿತು.

  ಇನ್ನು ಮುಂಬೈ ಪರ ನತನ್ 4, ಜೇಮ್ಸ್ ನೀಶಾಮ್ 3, ಬೂಮ್ರಾ 2 ವಿಕೆಟ್ ಪಡೆದು, ರಾಜಸ್ಥಾನ ತಂಡದ ಬ್ಯಾಟಿಂಗ್ ವಿಭಾಗವನ್ನು ನಿಯಂತ್ರಿಸಿದರು.

  ಇದಕ್ಕೆ ಉತ್ತರವಾಗಿ ಮುಂಬೈ ತಂಡ 8.2 ಓವರ್ ಗಳಲ್ಲಿ 2 ವಿಕೆಟ್ ಗಳ ನಷ್ಟಕ್ಕೆ 94 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು. ಮುಂಬೈ ಪರ ಇಶನ್ ಕಿಶಾನ್ 50 ರನ್ ಸಿಡಿಸಿದರು.