ದುಬೈ: ಕೆ.ಎಲ್. ರಾಹುಲ್ ಅಬ್ಬರ-ಚೆನ್ನೈ ವಿರುದ್ಧ ಪಂಜಾಬ್ ಗೆ ಜಯ

•   Thu, Oct 07 2021 11:00:32 PM



• ದುಬೈ, ಅ. 07 (DaijiworldNews/SM): ನಾಯಕ ಕೆ.ಎಲ್ ರಾಹುಲ್ ಅವರ ಬಿರುಸಿನ ಬ್ಯಾಟಿಂಗ್ ಪ್ರದರ್ಶನದಿಂದಾಗಿ 14ನೇ ಆವೃತ್ತಿಯ ಐಪಿಎಲ್ ನ 53ನೇ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ವಿರುದ್ಧ ಪಂಜಾಬ್ ಆರು ವಿಕೆಟ್ ಗಳ ಗೆಲುವು ದಾಖಲಿಸಿಕೊಂಡಿದೆ.

  

  ಮೊದಲು ಬ್ಯಾಟ್ ಮಾಡಿದ ಚೆನ್ನೈ 20 ಓವರ್ ಗಳಲ್ಲಿ 6 ವಿಕೆಟ್ ಗೆ 134 ರನ್ ಗಳಿಸಿತು. ಚೆನ್ನೈ ಪರ ಡ್ಯುಪ್ಲೆಸಿಸಿ 76 ರನ್ ಸಿಡಿಸಿದರು.
  
  ಇನ್ನು ಚೆನ್ನೈ ನೀಡಿದ ಗುರಿ ಬೆನ್ನಟ್ಟಿದ ಪಂಜಾಬ್ 13 ಓವರ್ ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 139 ರನ್ ಗಳಿಸಿ ಗೆಲುವಿನ ಕೇಕೆ ಹಾಕಿತು. ಪಂಜಾಬ್ ಪರ ನಾಯಕ ಕ್.ಎಸ್. ರಾಹುಲ್ 42 ಎಸೆತಗಳಲ್ಲಿ 8 ಸಿಕ್ಸರ್ ಮತ್ತು 7 ಬೌಂಡರಿ ಸೇರಿದಂತೆ 98 ಸಿಡಿಸಿ ಮಿಂಚಿದರು.
  
   ಟೂರ್ನಿಯಲ್ಲಿ ಚೆನ್ನೈ ಮತ್ತು ಪಂಜಾಬ್ ತಂಡಗಳು ತಲಾ 14 ಪಂದ್ಯಗಳನ್ನು ಆಡಿವೆ. ಇನ್ನು 9 ಪಂದ್ಯಗಳಲ್ಲಿ ಗೆಲುವು ಸಾಧಿಸಿರುವ ಚೆನ್ನೈ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದ್ದರೆ 6 ಪಂದ್ಯಗಳನ್ನು ಗೆದ್ದಿರುವ ಪಂಜಾಬ್ ತಂಡ 5ನೇ ಸ್ಥಾನದಲ್ಲಿದೆ.