ಶಾರ್ಜಾ: ಅಂತಿಮ ಲೀಗ್ ನಲ್ಲಿ ರಾಜಸ್ಥಾನ ವಿರುದ್ಧ ಕೆಕೆಆರ್ ಗೆ 86 ರನ್ ಗಳ ಭರ್ಜರಿ ಜಯ

•   Thu, Oct 07 2021 11:15:53 PM



• ಶಾರ್ಜಾ, ಅ. 07 (DaijiworldNews/SM): ಇಲ್ಲಿನ ಶಾರ್ಜಾ ಕ್ರಿಕೆಟ್ ಮೈದಾನದಲ್ಲಿ 14ನೇ ಆವೃತ್ತಿಯ ಐಪಿಎಲ್ ನ 54ನೇ ಪಂದ್ಯದಲ್ಲಿ ರಾಜಸ್ಥಾನ ವಿರುದ್ಧ ಕೆಕೆಆರ್ ತಂಡ 86 ರನ್ ಗಳ ಭರ್ಜರಿ ಗೆಲುವು ದಾಖಲಿಸಿಕೊಂಡಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೆಕೆಆರ್ 20 ಓವರ್ ಗಳಲ್ಲಿ ನಾಲ್ಕು ವಿಕೆಟ್ ಗಳ ನಷ್ಟಕ್ಕೆ 171 ರನ್ ಗಳಿಸಿತು. ಕೊಲ್ಕತ್ತಾ ಪರ ಶುಬ್ ಮನ್ ಗಿಲ್ 56, ವೆಂಕಟೇಶ್ ಐಯ್ಯರ್ 38, ತ್ರಿಪಾಠಿ 21 ರನ್ ಗಳಿಸಿದರು.
  
  ಇನ್ನು ಇದಕ್ಕೆ ಉತ್ತರವಾಗಿ ಬ್ಯಾಟಿಂಗ್ ಆರಂಭಿಸಿ ಆರ್ ಆರ್ ತಂಡ ಆರಂಭದಲ್ಲೇ ಆಘಾತ ಎದುರಿಸಿತು. ಕೊಲ್ಕತ್ತಾ ತಂಡದ ಬೌಲರ್ ಗಳ ಮಾರಕ ದಾಳಿಯ ಎದುರು ರಾಜಸ್ಥಾನ ಬ್ಯಾಟ್ಸ್ ಮನ್ ಗಳ ಆಟ ನಡೆಯಲಿಲ್ಲ. ರಾಹುಲ್ ತೆವಾಟಿಯ 44 ರನ್ ಸಿಡಿಸಿದರು. ಅಂತಿಮವಾಗಿ 16.1 ಓವರ್ ಗಳಲ್ಲಿ ತನ್ನೆಲ್ಲ ವಿಕೆಟ್ ಕಳೆದುಕೊಂಡು 85 ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ಕೆಕೆಆರ್ ಪರ ಶಿವಂ ಮಾವಿ 4, ಫರ್ಗೂಸನ್ 3 ವಿಕೆಟ್ ಪಡೆದರು.