ದುಬೈ: ವಿಶ್ವಕಪ್-ಟಿ-20: ಭಾರತ ವಿರುದ್ಧದ ಹೈವೋಲ್ಟೇಜ್ ಪಂದ್ಯ `ನೋ ಲಾಸ್' ಗೆದ್ದ ಪಾಕಿಸ್ತಾನ

•   Sun, Oct 24 2021 11:23:44 PM



• ದುಬೈ, ಅ. 24 (DaijiworldNews/SM): ಇಲ್ಲಿನ ದುಬೈ ಇಂಟರ್ ನ್ಯಾಷನಲ್ ಕ್ರಿಕೆಟ್ ಮೈದಾನದಲ್ಲಿ ನಡೆದ ಸಾಂಪ್ರದಾಯಿಕ ಎದುರಾಳಿ ಭಾರತ ಹಾಗೂ ಪಾಕಿಸ್ತಾನ ನಡುವಿನ ಟಿ-20 ವಿಶ್ವ ಕಪ್ ನ ಪಂದ್ಯದಲ್ಲಿ ಪಾಕಿಸ್ತಾನ ಹತ್ತು ವಿಕೆಟ್ ಗಳ ಭರ್ಜರಿ ಗೆಲುವು ದಾಖಲಿಸಿದೆ.

  

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಭಾರತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 151 ರನ್ ಗಳಿಸಿತು. ನಾಯಕ ವಿರಾಟ್ ಕೊಹ್ಲಿ 57, ರಿಷಬ್ ಪಂತ್ 39, ಜಡೇಜಾ 13 ರನ್ ಗಳಿಸಿದರು.

  ಟೀಂ ಇಂಡಿಯಾ ನೀಡಿದ ಗುರಿ ಬೆನ್ನಟ್ಟಿದ ಪಾಕಿಸ್ತಾನ 17.5 ಓವರ್ ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 152 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು. ಟೀಂ ಇಂಡಿಯಾದ ಆರಂಭಿಕ ಮುಗ್ಗರಿಸಿದರೆ, ಪಾಕ್ ಆರಂಭಿಕರು ಅಬ್ಬರಿಸಿದರು. ವಿಕೆಟ್ ಕೀಪರ್ ರಿಜ್ವಾನ್ 79, ಬಾಬರ್ ಅಝಾಮ್ 68 ರನ್ ಸಿಡಿಸಿ ಗೆಲುವು ತಂದುಕೊಟ್ಟರು.

  ಆ ಮೂಲಕ ನಿರೀಕ್ಷೆಯ ಪಂದ್ಯವೊಂದನ್ನು ಕೈ ಚೆಲ್ಲಿದ ಕೊಹ್ಲಿ ಬಳಗ ಅಭಿಮಾನಿಗಳ ಆಕ್ರೋಶಕ್ಕೆ ಕಾರಣವಾಗಿದೆ. ಬೌಲಿಂಗ್ ಹಾಗೂ ಬ್ಯಾಟಿಂಗ್ ಎರಡೂ ವಿಭಾಗಗಳಲ್ಲಿ ವೈಫಲ್ಯ ಕಂಡು ಸಾಂಪ್ರದಾಯಿಕ ಎದುರಾಳಿ ವಿರುದ್ಧ ಸೋಲುಂಡು ಭಾರತ ತಂಡ ನಿರಾಸೆ ಮೂಡಿಸಿದೆ.