ಆಥಿಯಾ ಶೆಟ್ಟಿಗೆ ಶುಭಕೋರಿ ತಮ್ಮ ಸಂಬಂಧವನ್ನು ಅಧಿಕೃತವಾಗಿ ಘೋಷಿಸಿದ ಕ್ರಿಕೆಟಿಗ ಕೆ.ಎಲ್.ರಾಹುಲ್

•   Sat, Nov 06 2021 11:30:21 AM



• ಮುಂಬೈ, ನ 06 (DaijiworldNews/MS): ಹಲವು ತಿಂಗಳುಗಳ ಊಹಾಪೋಹಗಳ ನಂತರ, ಭಾರತ ಕ್ರಿಕೆಟ್ ತಂಡದ ಬಲಗೈ ಬ್ಯಾಟ್ಸ್‌ಮನ್ ಕೆ.ಎಲ್.ರಾಹುಲ್ ಮತ್ತುಬಾಲಿವುಡ್ ನಟಿ ಹಾಗೂ ಸುನಿಲ್ ಶೆಟ್ಟಿ ಅವರ ಪುತ್ರಿ ಅಂತಿಮವಾಗಿ ತಮ್ಮ ನಡುವಣ ಡೇಟಿಂಗ್ ಗಾಸಿಪ್‌ ನ್ನು ಕೊನೆಗೊಳಿಸಿದ್ದು ., ತಮ್ಮ ಸಂಬಂಧವನ್ನು ಇನ್ ಸ್ಟಾಗ್ರಾಂ ನಲ್ಲಿ ಫೋಟೊಗಳನ್ನು ರೊಮ್ಯಾಂಟಿಕ್ ಶೀರ್ಷಿಕೆಯೊಂದಿಗೆ ಹಂಚಿಕೊಂಡು ಅಧಿಕೃತಗೊಳಿಸಿದ್ದಾರೆ.

  ಅಥಿಯಾ ಅವರ ಜನ್ಮದಿನದಂದು, ಕೆಎಲ್ ರಾಹುಲ್ ಪ್ರೀತಿಯ ಫೋಟೋಗಳನ್ನು ರೊಮ್ಯಾಂಟಿಕ್ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ.

  ಮೊದಲ ಫೋಟೋದಲ್ಲಿ, ಅಥಿಯಾ ಮತ್ತು ರಾಹುಲ್ ಅವರು ಪೋಸ್ಟ್‌ಕಾರ್ಡ್-ಪರ್ಫೆಕ್ಟ್ ಕ್ಲಿಕ್‌ನಲ್ಲಿ ಕಾಣಬಹುದು. ಇನ್ನೊಂದು ಚಿತ್ರದಲ್ಲಿ, ಅವರು ತಮ್ಮ ಮಿಲಿಯನ್-ಡಾಲರ್ ಸ್ಮೈಲ್‌ಗಳನ್ನು ಮಿಂಚುತ್ತಿರುವುದು ಕಂಡುಬಂದಿದೆ.

  ಆಥಿಯಾ ಶೆಟ್ಟಿ ಜೊತೆಗಿನ ಎರಡು ಫೋಟೊಗಳನ್ನು ಹಂಚಿಕೊಂಡಿದ್ದು, 'ಹುಟ್ಟು ಹಬ್ಬದ ಶುಭಾಶಯಗಳು ನನ್ನ ಪ್ರೀತಿಯ ಆಥಿಯಾ ಶೆಟ್ಟಿ' ಎಂದು ಬರೆದಿದ್ದಾರೆ. ದುಬೈ ಇಂಟರ್‌ ನ್ಯಾಶನಲ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಸಿಸಿ T20 ವಿಶ್ವಕಪ್ ಕ್ರಿಕೆಟ್‌ನ ಸ್ಕಾಟ್ಲೆಂಡ್ ವಿರುದ್ಧದ ಸೂಪರ್-12 ಹಂತದ ಎರಡನೇ ಗುಂಪಿನ ಪಂದ್ಯದಲ್ಲಿ ಭಾರತ ತಂಡವು ಎಂಟು ವಿಕೆಟ್ ಅಂತರದ ಭರ್ಜರಿ ಗೆಲುವು ದಾಖಲಿಸಿದೆ. ಬಳಿಕ ರಾಹುಲ್ ಈ ಪೋಸ್ಟ್ ಮಾಡಿದ್ದಾರೆ.

  ಸ್ಕಾಟ್ಲೆಂಡ್ ವಿರುದ್ಧದ ಪಂದ್ಯದ ವೇಳೆ ರಾಹುಲ್ ಮತ್ತು ಟೀಂ ಇಂಡಿಯಾವನ್ನು ಹುರಿದುಂಬಿಸಲು ಆಥಿಯಾ ಕ್ರೀಡಾಂಗಣದಲ್ಲಿ ಹಾಜರಿದ್ದರು. ಪಂದ್ಯದಲ್ಲಿ ರಾಹುಲ್ ಅರ್ಧಶತಕ ಗಳಿಸುತ್ತಿದ್ದಂತೆ, ರೋಹಿತ್ ಶರ್ಮಾ ಅವರ ಪತ್ನಿ ರಿತಿಕಾ ಸಜ್ದೇಹ್ ಅವರ ಜೊತೆಗೆ ಆಥಿಯಾ ಚಪ್ಪಾಳೆ ತಟ್ಟುತ್ತಿರುವುದು ಕಂಡುಬಂದಿತ್ತು.