ವಿಶ್ವದ ಅತ್ಯಂತ ಹಿರಿಯ ಟೆಸ್ಟ್ ಕ್ರಿಕೆಟ್ ಪಟು ಐಲೀನ್ ಆ್ಯಷ್ ನಿಧನ

•   Sun, Dec 05 2021 10:27:27 AM



• ಲಂಡನ್, ಡಿ.05 (DaijiworldNews/HR): ವಿಶ್ವದ ಅತ್ಯಂತ ಹಿರಿಯ ಟೆಸ್ಟ್ ಕ್ರಿಕೆಟ್ ಪಟು ಐಲೀನ್ ಆ್ಯಷ್ (110) ಅವರು ನಿಧನರಾಗಿದ್ದಾರೆ ಎಂದು ಇಂಗ್ಲೆಂಡ್ ಮತ್ತು ವೇಲ್ಸ್ ಕ್ರಿಕೆಟ್ ಮಂಡಳಿ ಮಾಹಿತಿ ನೀಡಿದೆ.

  ಐಲೀನ್ ಅವರು ಬಲಗೈ ವೇಗದ ಬೌಲರ್ ಆಗಿದ್ದು, 1937ರಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯ ಆಡಿದ್ದರು. ಎರಡನೇ ಜಾಗತಿಕ ಯುದ್ಧದ ಮೊದಲು ಹಾಗೂ ಬಳಿಕ ಇಂಗ್ಲೆಂಡ್ ದೇಶವನ್ನು ಏಳು ಬಾರಿ ಪ್ರತಿನಿಧಿಸಿದ್ದ 1949ರಲ್ಲಿ ನಿವೃತ್ತಿ ಪಡೆದಿದ್ದರು.

  ಇನ್ನು ಯುದ್ಧದ ಸಂದರ್ಭದಲ್ಲಿ ಬ್ರಿಟಿಷ್ ಗುಪ್ತಚರ ವಿಭಾಗದಲ್ಲಿ ಕಾರ್ಯ ನಿರ್ವಹಿಸಿದ್ದ ಐಲೀನ್ ಆ್ಯಷ್ ಅವರು 98ನೇ ವಯಸ್ಸಿನವರೆಗೂ ಗಾಲ್ಫ್ ಆಡುತ್ತಿದ್ದರು.

  ಐಲೀನ್ ಆ್ಯಷ್ ನಿಧನಕ್ಕೆ ಇಸಿಬಿಯಲ್ಲಿ ಮಹಿಳಾ ಕ್ರಿಕೆಟ್ ವ್ಯವಸ್ಥಾಪಕ ನಿರ್ದೇಶಕರಾಗಿರುವ ಕ್ಲೇರ್ ಕಾನರ್ ಸಂತಾ ಸೂಚಿಸಿದ್ದಾರೆ.

  The thoughts of everyone at the ECB are with the family and loved ones of Eileen Ash, who has died aged 110.

  — England Cricket (@englandcricket) December 4, 2021