ನ್ಯೂಜಿಲೆಂಡ್‌ ವಿರುದ್ದ ಭಾರತಕ್ಕೆ ಜಯ - ಟೆಸ್ಟ್‌‌ ರ್‍ಯಾಂಕಿಂಗ್‌‌ನಲ್ಲಿ ಟೀಂ ಇಂಡಿಯಾ ಅಗ್ರ ಸ್ಥಾನಕ್ಕೆ

•   Mon, Dec 06 2021 04:59:27 PM



• ಮುಂಬೈ, ಡಿ.06 (DaijiworldNews/PY): ನ್ಯೂಜಿಲೆಂಡ್‌ ವಿರುದ್ದದ 2ನೇ ಟೆಸ್ಟ್‌‌‌ ಪಂದ್ಯದಲ್ಲಿ ಟೀಂ ಇಂಡಿಯಾ ಭರ್ಜರಿ ಜಯ ಸಾಧಿಸಿದ್ದು, ಐಸಿಸಿ ಟೆಸ್ಟ್‌‌ ರ್‍ಯಾಂಕಿಂಗ್‌‌ನಲ್ಲಿ ಅಗ್ರ ಸ್ಥಾನಕ್ಕೇರಿದೆ.

  ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಡೆದ 2ನೇ ಟೆಸ್ಟ್‌ ಪಂದ್ಯದಲ್ಲಿ ನ್ಯೂಜಿಲೆಂಡ್‌ ವಿರುದ್ದ ಟೀಂ ಇಂಡಿಯಾ 372 ರನ್‌ಗಳ ಗೆಲುವು ಸಾಧಿಸಿದೆ. ರ್‍ಯಾಂಕಿಂಗ್‌ ಪಟ್ಟಿಯಲ್ಲಿದ್ದ ನ್ಯೂಜಿಲೆಂಡ್‌ 2ನೇ ಸ್ಥಾನಕ್ಕೆ ಕುಸಿದಿದೆ.

  ಈ ವರ್ಷದ ಜೂನ್‌ನಲ್ಲಿ ನಡೆದಿದ್ದ ವಿಶ್ವ ಟೆಸ್ಟ್‌ ಚಾಂಪಿಯನ್‌‌‌ಶಿಪ್‌‌‌‌ ಫೈನಲ್‌ ಪಂದ್ಯದಲ್ಲಿ ಭಾರತ ನ್ಯೂಜಿಲೆಂಡ್‌‌ ವಿರುದ್ದ ಸೋಲನುಭವಿಸಿತ್ತು. ಉತ್ತಮವಾಗಿ ಆಡಿದ್ದ ನ್ಯೂಜಿಲೆಂಡ್‌ ತಂಡ ಟೆಸ್ಟ್‌‌ ಚಾಂಪಿಯನ್‌‌‌ ಆಗಿದದ್ದು ಮಾತ್ರವಲ್ಲದೇ ರ್‍ಯಾಂಕಿಂಗ್‌ನಲ್ಲೂ ಸಹ ಅಗ್ರಸ್ಥಾನಕ್ಕೇರಿತ್ತು. ಇದೀಗ ನ್ಯೂಜಿಲೆಂಡ್‌‌‌‌ ತಂಡವನ್ನು ಸೋಲಿಸಿ ಟೀಂ ಇಂಡಿಯಾ ಅಗ್ರ ಸ್ಥಾನಕ್ಕೇರಿದೆ.