ನವದೆಹಲಿ: ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ-ಪಾಕ್ ಸೋಲಿಸಿ ಕಂಚು ಗೆದ್ದ ಭಾರತ

•   Wed, Dec 22 2021 09:37:06 PM



• ನವದೆಹಲಿ, ಡಿ.22 (DaijiworldNews/SM): ಏಷ್ಯನ್ ಚಾಂಪಿಯನ್ಸ್ ಟ್ರೋಫಿ ಪುರುಷರ ಹಾಕಿ ಟೂರ್ನಮೆಂಟ್‍ನಲ್ಲಿ ಪಾಕಿಸ್ತಾನವನ್ನು ಮಣಿಸುವ ಮೂಲಕ ಟೀಂ ಇಂಡಿಯಾ ಕಂಚುಕೊಂಡಿದೆ. ಮೂರನೇ-ನಾಲ್ಕನೇ ಸ್ಥಾನದ ಪ್ಲೇ-ಆಫ್ ಪಂದ್ಯದಲ್ಲಿ ಭಾರತವು ಪಾಕಿಸ್ತಾನವನ್ನು ಸೋಲಿಸುವ ಮೂಲಕ ಪದಕ ತನದಾಗಿಸಿಕೊಂಡಿದೆ.

  ಸೆಮಿಫೈನಲ್ ನಲ್ಲಿ ಜಪಾನ್ ವಿರುದ್ಧ ಸೋಲನುಭವಿಸಿದ ಭಾರತ ಮೂರನೇ ಸ್ಥಾನಕ್ಕಾಗಿ ಪಾಕಿಸ್ತಾನ ವಿರುದ್ಧ ಹೋರಾಟ ನಡೆಸಿ ಗೆಲುವು ದಾಖಲಿಸಿದೆ.

  ಭಾರತ ಮೊದಲ ನಿಮಿಷದಲ್ಲಿ ಉಪನಾಯಕ ಹರ್ಮನ್‍ಪ್ರೀತ್ ಸಿಂಗ್ ಮೂಲಕ ಮುನ್ನಡೆ ಸಾಧಿಸಿದ ನಂತರ ಸುಮಿತ್ (45ನೇ), ವರುಣ್ ಕುಮಾರ್ (53ನೇ) ಮತ್ತು ಆಕಾಶದೀಪ್ ಸಿಂಗ್ (57ನೇ) ತಲಾ ಒಂದು ಗೋಲು ಬಾರಿಸಿದರು.

  ಮತ್ತೊಂದೆಡೆ ತಂದವನ್ನು ಗೆಲ್ಲಿಸಲು ಪಾಕಿಸ್ತಾನ ಪ್ರಯತ್ನಿಸಿತಾದರೂ, ಅಂತಿಮ ಗಳಿಗೆಯಲ್ಲಿ ವಿಫಲಗೊಂಡಿತು.