ಸೆಂಚುರಿಯನ್: ದ. ಆಫ್ರಿಕಾ ವಿರುದ್ಧ ಮೊದಲ ಟೆಸ್ಟ್-ಟೀಂ ಇಂಡಿಯಾಕ್ಕೆ 113 ರನ್ ಗಳ ಭರ್ಜರಿ ಜಯ

•   Thu, Dec 30 2021 11:22:19 PM



• ಸೆಂಚುರಿಯನ್, ಡಿ.30 (DaijiworldNews/SM): ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಭಾರತ ಭರ್ಜರಿ ಗೆಲುವು ದಾಖಲಿಸಿಕೊಂಡಿದೆ. ಆ ಮೂಲಕ ಮೂರು ಸರಣಿಗಳಲ್ಲಿ 1-0 ಮುನ್ನಡೆ ಕಾಯ್ದುಕೊಂಡಿದೆ.

  ದ.ಆಫ್ರಿಕಾ ತಂಡಕ್ಕೆ ಗೆಲ್ಲಲು ಭಾರತ ನೀಡಿದ್ದ 305ರನ್ ಗಳ ಗುರಿಯನ್ನು ಬೆನ್ನಟ್ಟಿದ ದಕ್ಷಿಣ ಆಫ್ರಿಕಾ ತಂಡಕ್ಕೆ ಭಾರತೀಯ ಬೌಲರ್ ಗಳು ಮಾರಕವೆಣಿಸಿದರು. 191ರನ್ ಗಳಿಗೆ ಸರ್ವ ಪತನಗೊಂಡು ಭಾರತಕ್ಕೆ ಶರಣಾಯಿತು. ಆ ಮೂಲಕ 113ರನ್ ಗಳ ಭಾರೀ ಅಂತರದ ಸೋಲನುಭವಿಸಿತು.

  ಮೊದಲ ಇನ್ನಿಂಗ್ಸ್ ನಲ್ಲಿ ಭಾರತ ಕೆ.ಎಲ್. ರಾಹುಲ್ ಅವರ ಶತಕದ ನೆರವಿನಿಂದ 327 ರನ್ ಗಳಿಸಿತ್ತು. ದಕ್ಷಿಣ ಆಫ್ರಿಕಾ 197 ರನ್ ಗಳಿಸಿ ಹಿನ್ನಡೆ ಅನುಭವಿಸಿತ್ತು. ಎರಡನೇ ಇನ್ನಿಂಗ್ಸ್ ನಲ್ಲಿ ಟೀಂ ಇಂಡಿಯಾ 174 ರನ್ ಗಳಿಸಿದರೆ, ದ. ಆಫ್ರಿಕಾ ತಂಡ 191 ರನ್ ಗಳಿಗೆ ಆಲೌಟ್ ಆಗುವ ಮೂಲಕ ಸೋಲೊಪ್ಪಿಕೊಂಡಿತು.