ನ್ಯೂ ಲ್ಯಾಂಡ್: ಮೂರನೇ ಟೆಸ್ಟ್-ಗೆಲುವಿನ ಹಾದಿಯಲ್ಲಿ ದ. ಆಫ್ರಿಕಾ-ಟೀಂ ಇಂಡಿಯಾ ಗೆಲುವಿನ ಹಾದಿ ದುರ್ಗಮ

•   Thu, Jan 13 2022 11:07:14 PM



• ನ್ಯೂ ಲ್ಯಾಂಡ್, ಜ. 13 (DaijiworldNews/SM): ಇಲ್ಲಿ ನಡೆಯುತ್ತಿರುವ ಭಾರತ-ದ. ಆಫ್ರಿಕಾ ನಡುವಿನ ಮೂರನೇ ಟೆಸ್ಟ್ ಪಂದ್ಯದಲ್ಲಿ ದ. ಆಫ್ರಿಕಾ ತಂಡದ ಗೆಲುವಿನ ಹಾದಿ ಸುಗಮಗೊಳ್ಳುತ್ತಿದೆ. ಪಂದ್ಯ ಹಾಗೂ ಸರಣಿ ಗೆಲ್ಲಲು ದ. ಆಫ್ರಿಕಾಕ್ಕೆ ಬೇಕಾಗಿರುವುದು ಕೇವಲ 111 ರನ್ ಗಳು ಮಾತ್ರ. ಇನ್ನೂ ಕೂಡ ಎಂಟು ವಿಕೆಟ್ ಗಳು ಕೈಯಲ್ಲಿವೆ.

  ಮೊದಲ ಇನ್ನಿಂಗ್ಸ್ ನಲ್ಲಿ ಟೀಂ ಇಂಡಿಯಾ 223 ರನ್ ಗಳಿಸಿದ್ದು, ಇದಕ್ಕೆ ಉತ್ತರವಾಗಿ ದ. ಆಫ್ರಿಕಾ ತಂಡ 210 ರನ್ ಗಳಿಸಿತ್ತು. ಇನ್ನು ಎರಡನೇ ಇನ್ನಿಂಗ್ಸ್ ಆರಂಭಿಸಿದ್ದ ಟೀಂ ಇಂಡಿಯಾ ಮತ್ತೊಮ್ಮೆ ಬ್ಯಾಟಿಂಗ್ ವಿಭಾಗದಲ್ಲಿ ವೈಫಲ್ಯ ಅನುಭವಿಸಿತು.

  ಎರಡನೇ ಇನ್ನಿಂಗ್ಸ್ ನಲ್ಲಿ ಭಾರತ 198 ರನ್ ಗಳಿಸಿ ಸರ್ವ ಪತನಕಂಡಿತು. ಇದಕ್ಕೆ ಉತ್ತರವಾಗಿ 29.4 ಓವರ್ ಗಳಲ್ಲಿ 2 ವಿಕೆಟ್ ನಷ್ಟಕ್ಕೆ 101 ರನ್ ಗಳಿಸಿ ದ. ಆಫ್ರಿಕಾ ತಂಡ ಸುಸ್ಥಿತಿಯಲ್ಲಿದೆ. ನಾಲ್ಕನೇ ದಿನಕ್ಕೆ ಆಟವನ್ನು ಕಾಯ್ದಿರಿಸಿದೆ.