ಮುಂಬೈ: ನಾಳೆಯಿಂದ ಶುರುವಾಗಲಿದೆ ಐಪಿಎಲ್ ಧಮಾಕ್-ಉದ್ಘಾಟನಾ ಪಂದ್ಯದಲ್ಲಿ ಸಿಎಸ್ ಕೆ-ಕೆಕೆಆರ್ ಫೈಟ್

•   Fri, Mar 25 2022 10:30:21 PM



• ಮುಂಬೈ, ಮಾ. 25 (DaijiworldNews/SM): ಐಪಿಎಲ್ 15ನೇ ಆವೃತ್ತಿಯ ಟೂರ್ನಿ ಮಾರ್ಚ್ ೨೬ರ ಶನಿವಾರದಿಂದ ಅದ್ದೂರಿಯಾಗಿ ಆರಂಭಗೊಳ್ಳಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಕೆಲ್ಕತ್ತಾ ನೈಟ್ ರೈಡರ್ಸ್ ತಂಡ ಎದುರಿಸಲಿದೆ.

  ಉದ್ಘಾಟನಾ ಪಂದ್ಯ ಮುಂಬೈನ ವಾಂಖೆಡೆ ಮೈದಾನದಲ್ಲಿ ನಡೆಯಲಿದೆ. ಐಪಿಎಲ್ ನಲ್ಲಿ ಕಳೆದ 12 ಆವೃತ್ತಿಯಲ್ಲಿ ಚೆನ್ನೈ ತಂಡ ಮುನ್ನಡೆಸಿದ್ದ ಧೋನಿ ನಾಯಕತ್ವವನ್ನು ಜಡೇಜಾ ಹೆಗಲಿಗೆ ನೀಡಿದ್ದು, ಜಡೇಜಾ ನೇತೃತ್ವದಲ್ಲಿ ತಂಡ ಮುನ್ನಡೆಯಲಿದೆ. ಈ ಹಿನ್ನೆಲೆಯಲ್ಲಿ ಉದ್ಘಾಟನಾ ಪಂದ್ಯ ಸಾಕಷ್ಟು ಕುತೂಹಲ ಮೂಡಿಸಿದೆ.

  ಉದ್ಘಾಟನಾ ಪಂದ್ಯ ಸಂಜೆ 7.30ಕ್ಕೆ ಆರಂಭಗೊಳ್ಳಲಿದೆ. ರವೀಂದ್ರ ಜಡೇಜಾ ಹಾಗೂ ಶ್ರೇಯಸ್ಸ್ ಅಯ್ಯರ್ ನೇತೃತ್ವದ ಎರಡು ತಂಡಗಳ ನಡುವಿನ ಚುಟುಕು ಕದನ ಕುತೂಹಲ ಮೂಡಿಸಿದ್ದು, ವೀಕ್ಷಕರು ಪಂದ್ಯ ವೀಕ್ಷಣೆಗೆ ಕಾತರರಾಗಿದ್ದಾರೆ.