ಮುಂಬೈ: ರಾಜಸ್ಥಾನ ವಿರುದ್ಧ ಆರ್ ಸಿಬಿಗೆ ನಾಲ್ಕು ವಿಕೆಟ್ ಗೆಲುವು

•   Tue, Apr 05 2022 09:39:48 PM



• ಮುಂಬೈ, ಏ. 05 (DaijiworldNews/SM): ಇಲ್ಲಿನ ವಾಂಖೆಡೆ ಕ್ರಿಕೆಟ್ ಮೈದಾನದಲ್ಲಿ ನಡೆದ ರಾಜಸ್ಥಾನ ವಿರುದ್ಧದ ಐಪಿಎಲ್ ಟಿ-20 ಪಂದ್ಯದಲ್ಲಿ ಆರ್ ಸಿಬಿ ನಾಲ್ಕು ವಿಕೆಟ್ ಗಳಿಂದ ಗೆಲುವು ದಾಖಲಿಸಿಕೊಂಡಿದೆ.

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ರಾಜಸ್ಥಾನ ಆರಂಭದಲ್ಲೇ ಆಘಾತ ಅನುಭವಿಸಿತು. ಜೈಶ್ವಾಲ್ ವಿಕೆಟನ್ನು ಬೇಗನೆ ಕಳೆದುಕೊಂಡಿತು. ಬಳಿಕ ಬಟ್ಲರ್ ತಂಡಕ್ಕೆ ನೆರವಾದರು. 70 ರನ್ ಸಿಡಿಸಿದರು. ಪಡಿಕ್ಕಲ್ 37, ಹೆಟ್ಮಯರ್ 42 ರನ್ ಸಿಡಿಸಿದರು. ಅಂತಿಮವಾಗಿ ಇಪ್ಪತ್ತು ಓವರ್ ಗಳಲ್ಲಿ ಮೂರು ವಿಕೆಟ್ ಗಳ ನಷ್ಟಕ್ಕೆ ರಾಜಸ್ಥಾನ ರಾಯಲ್ಸ್ ತಂಡ 169 ರನ್ ಗಳಿಸಿತು.

  ಇನ್ನು ರಾಜಸ್ಥಾನ ನೀಡಿದ ಗುರಿ ಬೆನ್ನಟ್ಟಿದ ಆರ್ ಸಿಬಿ ತಂಡ 19.1 ಓವರ್ ಗಳಲ್ಲಿ ಆರು ವಿಕೆಟ್ ಗಳ ನಷ್ಟಕ್ಕೆ 173 ರನ್ ಗಳಿಸಿತು. ಆರ್ ಸಿಬಿ ಪರ ಶಬ್ಬಝ್ 45, ದಿನೇಶ್ ಕಾರ್ತಿಕ್ 44, ಡ್ಯೂಪ್ಲೆಸಿಸ್ 29, ರಾವರ್ 26 ರನ್ ಗಳಿಸಿದರು.