ಮುಂಬೈ: ಕೊಲ್ಕತ್ತಾ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಗೆ 44 ರನ್ ಗಳ ಭರ್ಜರಿ ಗೆಲುವು

•   Sun, Apr 10 2022 09:49:02 PM



• ಮುಂಬೈ, ಏ. 10 (DaijiworldNews/SM): ಇಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಕೊಲ್ಕತ್ತಾ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ತಂಡ 44 ರನ್ ಗಳ ಅಂತರದ ಭರ್ಜರಿ ಗೆಲುವು ದಾಖಲಿಸಿಕೊಂಡಿದೆ.

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಇಪ್ಪತ್ತು ಓವರ್ ಗಳಲ್ಲಿ ಐದು ವಿಕೆಟ್ ಗಳ ನಷ್ಟಕ್ಕೆ 215 ರನ್ ಗಳ ಬೃಹತ್ ಮೊತ್ತ ಪೇರಿಸಿತು.

  ಡೆಲ್ಲಿ ಪರ ಪೃಥ್ವಿ ಶಾ 51, ವಾರ್ನರ್ 61, ನಾಯಕ ಪಂತ್ 27, ಅಕ್ಷರ್ ಪಾಟೇಲ್ 22, ಶಾರ್ದುಲ್ ಟಾಕೂರ್ 29 ರನ್ ಗಳಿಸಿದರು. ಇವರ ನೆರವಿನಿಂದ ಡೆಲ್ಲಿ ತಂಡ ಬೃಹತ್ ಮೊತ್ತ ಪೇರಿಸಲು ಶಕ್ತವಾಯಿತು.

  ಡೆಲ್ಲಿ ನೀಡಿದ ಗುರಿ ಬೆನ್ನಟ್ಟಿದ ಕೊಲ್ಕತ್ತಾ ತಂಡ 19.4 ಓವರ್ ಗಳಲ್ಲಿ 171 ರನ್ ಗಳಿಸಿ ಆಲೌಟ್ ಆಯಿತು. ನಾಯಕ ಶ್ರೇಯಸ್ ಐಯ್ಯರ್ 54, ನಿತೀಶ್ ರಾಣ 30, ರಸ್ಸಲ್ 24 ರನ್ ಗಳಿಸಿದರು.

  ಡೆಲ್ಲಿ ಪರ ಕುಲ್ ದೀಪ್ 4, ಕಲೀಲ್ ಅಹಮ್ಮದ್ 3, ಶಾರ್ದುಲ್ ಠಾಕೂರ್ 2 ವಿಕೆಟ್ ಪಡೆದರು.