ಕೊಹ್ಲಿಯ ಸ್ಟನ್ನಿಂಗ್ ಕ್ಯಾಚ್‌ಗೆ ಅನುಷ್ಕಾ ಶರ್ಮಾ ಶಾಕ್

•   Sun, Apr 17 2022 01:58:00 PM



• ಮುಂಬೈ, ಏ 17 (DaijiworldNews/DB): ವಿರಾಟ್ ಕೊಹ್ಲಿಯ ಆ ಒಂದು ಸ್ಟನ್ನಿಂಗ್ ಕ್ಯಾಚ್ ಆರ್‌ಸಿಬಿಯು ಪಂದ್ಯವನ್ನು ಗೆಲ್ಲುವಂತೆ ಮಾಡಿದ್ದಲ್ಲದೆ, ಪತ್ನಿ ಅನುಷ್ಕಾ ಶರ್ಮರನ್ನೂ ಶಾಕ್ ಆಗುವಂತೆ ಮಾಡಿದೆ.

  ಹೌದು. ಕೊಹ್ಲಿಯ ಸ್ಟನ್ನಿಂಗ್ ಕ್ಯಾಚ್ ಕ್ರೀಡಾಂಗಣದ ಗ್ಯಾಲರಿಯಲ್ಲಿ ಕುಳಿತಿದ್ದ ಅನುಷ್ಕಾರನ್ನು ಹುಬ್ಬೇರಿಸುವಂತೆ ಮಾಡಿದೆ.

  ಶನಿವಾರ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ಆರ್‌ಸಿಬಿ ನಡುವೆ ನೇರ ಹಣಾಹಣಿ ನಡೆಯುತ್ತಿತ್ತು. ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅಷ್ಟೇನು ದೊಡ್ಡ ನೈಪುಣ್ಯ ತೋರಿಸದಿದ್ದರೂ, ಪಂದ್ಯ ಗೆಲ್ಲಲು ಅವರೇ ಕಾರಣರಾಗಿದ್ದರು. ತೀವ್ರ ಕುತೂಹಲಕ್ಕೆ ಕಾರಣವಾಗಿದ್ದ ಪಂದ್ಯದಲ್ಲಿ ನಿರ್ಣಾಯಕ ಹಂತದಲ್ಲಿರುವಾಗ ಡೆಲ್ಲಿ ಕ್ಯಾಪಿಟಲ್ಸ್ ನಾಯಕ ರಿಷಭ್ ಪಂತ್ ಸೋಲುವಂತೆ ಮಾಡಿದ್ದಾರೆ ಕೊಹ್ಲಿ. ಮಹಮದ್ ಸಿರಾಜ್ ಅವರ ಬೌಲಿಂಗ್‌ನ್ನು ಎದುರಿಸಿದ ರಿಷಬ್ ಚೆಂಡನ್ನು ಕವರ್‌ನಲ್ಲಿ ಹೊಡೆದಾಗ ಅದು ವಿರಾಟ್ ಕೊಯ್ಲಿಯ ತಲೆಯ ಮೇಲ್ಬಾಗದಿಂದ ಹಾರಿತು. ಅಷ್ಟರಲ್ಲಿ ಕೊಹ್ಲಿ ಜಾಣತನದ ಹೆಜ್ಜೆ ಇಟ್ಟು ಹಾರಿ ಚೆಂಡನ್ನು ಹಿಡಿದು ವಿಕೆಟ್‌ನತ್ತ ಉರುಳಿಸಿದರು. ಇದರಿಂದ ಡೆಲ್ಲಿ ಕ್ಯಾಪಿಟಲ್ಸ್‌ನ್ನು ಗೆಲ್ಲಿಸುವ ಪಣ ತೊಟ್ಟಿದ್ದ ರಿಷಭ್ ಔಟಾದರು.

  ಕೊಹ್ಲಿಯ ಈ ಕ್ಯಾಚ್‌ಗೆ ಇಡೀ ಗ್ಯಾಲರಿಯಲ್ಲಿ ಚಪ್ಪಾಳೆಯ ಸುರಿಮಳೆಯಾಯಿತು. ಅನುಷ್ಕಾ ಶರ್ಮಾ ಶಾಕ್ ಆಗಿದ್ದಲ್ಲದೆ, ಖುಷಿಯಲ್ಲಿ ಸಂಭ್ರಮಿಸಿರುವುದು ಕ್ಯಾಮರಾ ಕಣ್ಣಿನಲ್ಲಿ ದಾಖಲಾಯಿತು.