ಪತ್ನಿ ಧನಶ್ರೀ ವರ್ಮಾರೊಂದಿಗೆ ನೃತ್ಯಕ್ಕೆ ಸ್ಟೆಪ್ ಹಾಕಿದ ಕ್ರಿಕೆಟಿಗ ಚಹಲ್-ವೀಡಿಯೋ ವೈರಲ್

•   Thu, Apr 21 2022 01:02:36 PM



• ಮುಂಬೈ, ಏ 21 (DaijiworldNews/DB): ರಾಜಸ್ಥಾನ್ ರಾಯಲ್ಸ್ ತಂಡದ ಪರ ಆಡುತ್ತಿರುವ ಯುಜ್ವೇಂದ್ರ ಚಹಲ್-ಧನಶ್ರೀ ವರ್ಮಾ ದಂಪತಿ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಸ್ವತಃ ಡ್ಯಾನ್ಸರ್ ಆಗಿರುವ ಧನಶ್ರೀ ತಮ್ಮ ಡ್ಯಾನ್ಸ್‌ಗಾಗಿಯೇ ಪ್ರತ್ಯೇಕ ಯೂಟ್ಯೂಬ್ ಚಾನೆಲ್‌ನ್ನೂ ಹೊಂದಿದ್ದಾರೆ. ಇತ್ತೀಚೆಗೆ ಪತಿಯೊಂದಿಗೆ ಸ್ಟೆಪ್ ಹಾಕಿದ ವೀಡಿಯೋವನ್ನು ಸಾಮಾಜಿಕ ತಾಣದಲ್ಲಿ ಹಂಚಿಕೊಂಡಿದ್ದು, ಈ ವೀಡಿಯೋ ಸಿಕ್ಕಾಪಟ್ಟೆ ವೈರಲ್ ಆಗಿದೆ.

  ಈ ವೀಡಿಯೋಗೆ ಸಾಕಷ್ಟು ಕಮೆಂಟ್‌ಗಳೂ ಬಂದಿವೆ. ರಾಜಸ್ಥಾನ ರಾಯಲ್ಸ್ ಸ್ಪೋಟಕ ಬ್ಯಾಟರ್ ಜಾಸ್ ಬಟ್ಲರ್ ಕಮೆಂಟ್ ಮಾಡಿ ’ನೈಸ್ ಮೂವ್ ಯುಜ್ವೇಂದ್ರ ಚಹಲ’ ಎಂದು ಬರೆದಿದ್ದಾರೆ. ಈ ವೀಡಿಯೋದಲ್ಲಿ ಧನಶ್ರೀ ಚಹಲ್ ಮೈದಾನಕ್ಕೆ ಎಂಟ್ರಿಯಾಗುವ ತುಣುಕುಗಳನ್ನೂ ಹಂಚಿಕೊಂಡಿದ್ದು, ನೆಟ್ಟಿಗರಿಗೆ, ಅಭಿಮಾನಿಗಳಿಗೆ ಖುಷಿ ನೀಡಿದ್ದಾರೆ.

  2020ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಈ ಜೋಡಿ ಪ್ರತಿ ಬಾರಿ ಸಾಮಾಜಿಕ ತಾಣದಲ್ಲಿ ಸುದ್ದಿಯಾಗುತ್ತಲೇ ಇರುತ್ತಾರೆ. ಸದ್ಯ ಐಪಿಎಲ್ ಮ್ಯಾಚ್ ನಡಿಯುತ್ತಿರುವ ಕಾರಣ ಕ್ರಿಕೆಟಿಗರೊಂದಿಗೆ ಅವರ ಪತ್ನಿಯರೂ ಮೈದಾನದಿಂದ ಮೈದಾನಕ್ಕೆ ಹೋಗಿ ಗ್ಯಾಲರಿಯಲ್ಲಿ ಕುಳಿತು ತಮ್ಮ ಗಂಡಂದಿರ ಕ್ರಿಕೆಟ್ ಆಟಗಳನ್ನು ನೋಡುವುದು, ಅವರು ವಿಶೇಷ ಸಾಧನೆ ಮಾಡಿದಾಗ ಕ್ಯಾಮರಾಗಳು ಪತ್ನಿಯಂದಿರ ಕಡೆಗೆ ತಿರುಗುವುದು ಇದೆಲ್ಲಾ ಸಾಮಾನ್ಯ ಎಂಬಂತಾಗಿದೆ. ಚಹಲ್ ರಾಜಸ್ತಾನ್ ರಾಯಲ್ಸ್ ತಂಡದಲ್ಲಿ ಆಡುತ್ತಿರುವ ಕಾರಣ ಆ ತಂಡದ ಯೂನಿಫಾರ್ಮ್ ಪಿಂಕ್ ಟೀ ಶರ್ಟ್ ಆಗಿರುವುದರಿಂದ ಚಹಲ್ ಪತ್ನಿ ಧನಶ್ರೀ ಕೂಡಾ ಪಿಂಕ್ ಬಣ್ಣದ ಉಡುಗೆ ತೊಟ್ಟು ಪತಿ ಮತ್ತು ಆತನ ತಂಡಕ್ಕೆ ಹುರಿದುಂಬಿಸುತ್ತಿದ್ದಾರೆ. ಈ ವೀಡಿಯೋಗಳೂ ಸಾಮಾಜಿಕ ತಾಣದಲ್ಲಿ ಸಖತ್ ಆಗಿಯೇ ಸದ್ದು ಮಾಡಿದ್ದವು.

  View this post on Instagram

  A post shared by Dhanashree Verma (@dhanashree9)