ಬಾಲಿವುಡ್‌ಗೆ ಎಂಟ್ರಿಕೊಟ್ಟ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ

•   Fri, Sep 02 2022 02:23:26 PM



• ಬೆಂಗಳೂರು, ಸೆ 02 (DaijiworldNews/DB): ಭಾರತ ಕ್ರಿಕೆಟ್ ತಂಡದ ನಾಯಕ, ಸೂಪರ್ ಸ್ಟಾರ್ ಬ್ಯಾಟ್ಸ್‌ಮನ್ ರೋಹಿತ್ ಶರ್ಮಾ ಅವರು ಖುಷಿ ಸುದ್ದಿಯೊಂದನ್ನು ಹಂಚಿಕೊಂಡಿದ್ದಾರೆ. ಕ್ರಿಕೆಟ್‌ ಬದುಕಿನ ಜೊತೆ ಜೊತೆಗೆ ಸಿನೆಮಾದಲ್ಲಿಯೂ ಅವರು ಅದೃಷ್ಟ ಪರೀಕ್ಷೆಗೆ ಇಳಿದಿ‌ದ್ದಾರೆ.

  ಹೌದು. ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ತಾವು ನಟಿಸಲಿರುವ ಚಿತ್ರದ ಪೋಸ್‌ಟ ಶೇರ್‌ ಮಾಡಿರುವ ರೋಹಿತ್‌ ಶರ್ಮಾ ತಾನು ಮೈದಾನದಿಂದಾಚೆಗೂ ಕಾಣಿಸಿಕೊಳ್ಳುತ್ತಿರುವುದಾಗಿ ಸಂದೇಶ ನೀಡಿದ್ದಾರೆ. 'ಮೆಗಾ ಬ್ಲಾಕ್ ಬಸ್ಟರ್' ಎಂಬ ಸಿನೆಮಾದ ಪೋಸ್ಟರ್‌ನ್ನು ಅವರು ಶೇರ್ ಮಾಡಿದ್ದು, ಅದರಲ್ಲಿರುವ ತಮ್ಮ ಫೋಟೋವನ್ನೂ ತೋರಿಸುವ ಮೂಲಕ ತಾವು ಚಿತ್ರದಲ್ಲಿ ನಟಿಸುತ್ತಿರುವುದಾಗಿ ಪರೋಕ್ಷವಾಗಿ ಜನರಿಗೆ ತಿಳಿಸಿದ್ದಾರೆ.

  ನ್ಯಾಶನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅವರು ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಈ ಚಿತ್ರದ ಪೋಸ್ಟರ್‌ನ್ನು ಪೋಸ್ಟ್‌ ಮಾಡಿದ್ದು, ಇದನ್ನೇ ರೋಹಿತ್ ಶರ್ಮಾ ಶೇರ್‍ ಮಾಡಿಕೊಂಡಿದ್ದಾರೆ. ಹೀಗಾಗಿ ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣರಿಗೆ ನಾಯಕನಾಗಿ ರೋಹಿತ್ ಶರ್ಮಾ ಕಾಣಿಸಿಕೊಳ್ಳಲಿದ್ದಾರೆಯೇ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಹುಟ್ಟಿಕೊಂಡಿದೆ. ಆದರೆ ಈ ಬಗ್ಗೆ ರಶ್ಮಿಕಾ ಮಂದಣ್ಣರಾಗಲೀ, ರೋಹಿತ್ ಶರ್ಮಾರಾಗಲಿ ಅಧಿಕೃತ ಮಾಹಿತಿ ನೀಡಿಲ್ಲ. ಅದೇನೇ ಇದ್ದರೂ, ಚಿತ್ರದಲ್ಲಿ ರೋಹಿತ್ ಶರ್ಮಾ ನಟಿಸಿರುವುದಂತೂ ಪಕ್ಕಾ.

  ಶರ್ಮಾರ ಬ್ಯಾಟಿಂಗ್ ಶೈಲಿಗೆ ಮರುಳಾಗಿರುವ ಅಭಿಮಾನಿಗಳು ಇದೀಗ ಅವರನ್ನು ಸಿನೆಮಾದಲ್ಲಿ ನೋಡಲು ಕಾತರರಾಗಿದ್ದಾರೆ.