ಏಷ್ಯಾಕಪ್-2022: ಸಾಂಪ್ರದಾಯಿಕ ಎದುರಾಳಿಗೆ ಶರಣಾದ ಟೀಂ ಇಂಡಿಯಾ-ಪಾಕ್ ಗೆ 5 ವಿಕೆಟ್ ಗೆಲುವು

•   Sun, Sep 04 2022 11:49:07 PM



• ದುಬೈ, ಸೆ 04 (DaijiworldNews/SM): ಇಲ್ಲಿನ ಅಂತರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ನಡೆದ ಭಾರತ-ಪಾಕಿಸ್ತಾನ ನಡುವಿನ ಏಷ್ಯಾಕಪ್ ಸೂಪರ್ ಫೋರ್ ಪಂದ್ಯದಲ್ಲಿ ಭಾರತದ ವಿರುದ್ಧ ಪಾಕಿಸ್ತಾನ 5 ವಿಕೆಟ್ ಗಳ ಅಂತರದ ಗೆಲುವು ದಾಖಲಿಸಿ ಗೆದ್ದು ಬೀಗಿದೆ.

  ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಟೀಂ ಇಂಡಿಯಾ 20 ಓವರ್ ಗಳಲ್ಲಿ ಏಳು ವಿಕೆಟ್ ಗಳ ನಷ್ಟಕ್ಕೆ 181 ರನ್ ಗಳಿಸಿತು. ಭಾರತದ ಪರ ಕೊಹ್ಲಿ 60, ರಾಹುಲ್ ಹಾಗೂ ರೋಹಿತ್ ತಲಾ 28 ರನ್ ಸಿಡಿಸಿದರು.

  ಇನ್ನು ಭಾರತ ನೀಡಿದ ಗುರಿ ಬೆನ್ನಟ್ಟಿದ ಪಾಕಿಸ್ತಾನ 19.5 ಓವರ್ ಗಳಲ್ಲಿ 5 ವಿಕೆಟ್ ಗಳ ನಷ್ಟಕ್ಕೆ 182 ರನ್ ಗಳಿಸಿ ಗೆಲುವಿನ ನಗೆ ಚೆಲ್ಲಿತು. ಪಾಕ್ ಪರ ಮಹಮ್ಮದ್ ರಿಜ್ವಾನ್ 71, ಮಹಮ್ಮದ್ ನವಾಜ್ 42 ರನ್ ಸಿಡಿಸಿ ಗೆಲುವಿನ ರುವಾರಿಗಳೆಣಿಸಿಕೊಂಡರು.