ಪಾಕಿಸ್ತಾನ ವಿರುದ್ಧ ಜಿಂಬಾಬ್ವೆ ಕಮಾಲ್-ಪಾಕ್ ವಿರುದ್ಧ ಕೊನೇ ಓವರ್ ನಲ್ಲಿ ರೋಚಕ ಗೆಲುವು

•   Thu, Oct 27 2022 09:52:31 PM



• ಪರ್ತ್, ಅ 27 (DaijiworldNews/SM): ಗುರುವಾರ ಪರ್ತ್‌ನಲ್ಲಿ ನಡೆದ ಸೂಪರ್ 12 ಪಂದ್ಯದಲ್ಲಿ ಜಿಂಬಾಬ್ವೆ ತಂಡ ಪಾಕಿಸ್ತಾನದ ವಿರುದ್ಧ ಕೊನೇ ಓವರ್ ನಲ್ಲಿ ರೋಚಕ ಗೆಲುವು ದಾಖಲಿಸಿದೆ. ಕ್ರೇಗ್ ಇರ್ವಿನ್ ನಾಯಕತ್ವದ ಜಿಂಬಾಬ್ವೆ ತಂಡ ಬಾಬರ್ ಅಜಂ ನಾಯಕತ್ವದ ಪಾಕಿಸ್ತಾನ ತಂಡವನ್ನು 1 ರನ್‌ನಿಂದ ಅಘಾತಕಾರಿಯಾಗಿ ಮಣಿಸಿ ಸಂಭ್ರಮಿಸಿದೆ. ಆ ಮೂಲಕ ಪಾಕಿಸ್ತಾನ ತೀರ ಮುಖಭಂಗಕ್ಕೆ ಒಳಗಾಗಿದೆ.

  ಪಾಕಿಸ್ತಾನದ ಮೊಹಮ್ಮದ್ ವಾಸಿಂ ಜೂನಿಯರ್ ಮತ್ತು ಸ್ಪಿನ್ನರ್ ಶಾದಾಬ್ ಖಾನ್ ಜಿಂಬಾಬ್ವೆಯನ್ನು 8 ವಿಕೆಟ್‌ಗೆ 130 ರನ್‌ಗಳ ಸಾಧಾರಣ ಮೊತ್ತಕ್ಕೆ ನಿರ್ಬಂಧಿಸಿ ಪಾಕಿಸ್ತಾನಕ್ಕೆ ಆರಂಭಿಕ ಮುನ್ನಡೆ ತಂದುಕೊಟ್ಟಿದ್ದರು.

  ಸಾಧಾರಣ ಮೊತ್ತ ಬೆನ್ನತ್ತಿದ ಪಾಕಿಸ್ತಾನ ತಂಡ ಉತ್ತಮ ಆರಂಭ ಪಡೆಯದೆ ಮತ್ತೊಮ್ಮೆ ಮುಗ್ಗರಿಸಿತು. ನಿರ್ಣಾಯಕ ಹಂತಗಳಲ್ಲಿ ವಿಕೆಟ್ ಕಳೆದುಕೊಳ್ಳುತ್ತಲೇ ಹೋದ ಪಾಕಿಸ್ತಾನ ಅಂತಿಮವಾಗಿ 20 ಓವರ್‌ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 129 ರನ್ ಗಳಿಸಿತು. ಮೂರು ಎಸೆತಗಳಲ್ಲಿ ಪಾಕಿಸ್ತಾನಕ್ಕೆ ಮೂರು ರನ್ ಅಗತ್ಯವಿತ್ತು. ಆದರೆ, ಇದನ್ನು ಪೇರಿಸಲು ಚಡಪಡಿಸಿದ ಬಾಬರ್ ಬಳಗ ಒಂದು ರನ್ ಗಳ ಅಂತರದಿಂದ ಜಿಂಬಾಬ್ವೆಗೆ ಶರಣಾಯಿತು.