ವಿಚ್ಛೇದನ ವದಂತಿ 'ಟಾಕ್ ಶೋ' ಪಬ್ಲಿಸಿಟಿಗಾ? ಸಾನಿಯಾ ಶುಭ ಕೋರಿದ ಮಲಿಕ್

•   Tue, Nov 15 2022 01:32:45 PM



• ಮುಂಬೈ, ನ 14 (DaijiworldNews/MS): ವಿಚ್ಛೇದನ ವದಂತಿ ನಡುವೆ ಭಾರತದ ಟೆನಿಸ್ ತಾರೆ ಸಾನಿಯಾ ಮಿರ್ಜಾ ಅವರಿಗೆ ಪತಿ, ಪಾಕ್ ಕ್ರಿಕೆಟಿಗ ಶೋಯಬ್ ಮಲಿಕ್ ಅವರು ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.

  . ‘ಹ್ಯಾಪಿ ಬರ್ತ್‌ಡೇ ಸಾನಿಯಾ.. ಅತ್ಯಂತ ಆರೋಗ್ಯಕರ ಮತ್ತು ಸಂತೋಷದ ಜೀವನ ನಿನ್ನದಾಗಲಿ. ಹುಟ್ಟುಹಬ್ಬದ ದಿನವನ್ನು ಎಂಜಾಯ್ ಮಾಡು’ ಎಂದು ಶೋಯಬ್ ಇನ್‌ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ. ಸಾನಿಯಾ ಮಿರ್ಜಾ ಇವತ್ತು 36ನೇ ವಸಂತಕ್ಕೆ ಕಾಲಿರಿಸಿದ್ದಾರೆ.

  ಈ ನಡುವೆ ದಂಪತಿಗಳು " ದಿ ಮಿರ್ಜಾ ಮಲಿಕ್ ಟಾಕ್ ಶೋ" ಆರಂಭಿಸುವ ಬಗ್ಗೆ ಘೋಷಣೆ ಮಾಡಿದ್ದಾರೆ.ಈ ಕಾರ್ಯಕ್ರಮ ಉರ್ದುಫ್ಲಿಕ್ಸ್ ನಲ್ಲಿ ಪ್ರಸಾರವಾಗಲಿದೆ. ಇದೇ ಟಾಕ್ ಶೋ ಪಬ್ಲಿಸಿಟಿಗಾಗಿ ವಿಚ್ಛೇದನ ವದಂತಿ ಹರಿಯಬಿಟ್ಟಿದ್ದಾರೆ ಕೀಳು ಮಟ್ಟದ ಪ್ರಚಾರವಿದು ಎಂದು ನೆಟ್ಟಿಗರು ಸೋಷಿಯಲ್ ಮಿಡಿಯದಲ್ಲಿ ಜರಿದ್ದಾರೆ.