'ಲವ್' ಬರಹವುಳ್ಳ ಟಿ ಶರ್ಟ್ ಧರಿಸುವಂತಿಲ್ಲ-ಫಿಫಾ ಹೊಸ ರೂಲ್ಸ್‌!

•   Wed, Nov 23 2022 03:51:59 PM



• ದೋಹಾ, ನ 23 (DaijiworldNews/DB): ಫಿಫಾ ವಿಶ್ವಕಪ್‌ಗೆ ಸಂಬಂಧಿಸಿದವರಾರೂ 'ಲವ್' ಬರಹವುಳ್ಳ ಟೀಶರ್ಟ್ ಧರಿಸುವಂತಿಲ್ಲ! ಹೀಗೊಂದು ಹೊಸ ನಿಯಮ ಆಟಗಾರರಿಗೆ ಜಾರಿಯಾಗಿದೆ.

  ಹೌದು. ಆಟಗಾರರಿಗೆ ಹಲವು ನಿಯಮಗಳಿರುತ್ತವೆ. ಆದರೀಗ ಹೊಸ ನಿಯಮವಾಗಿ ಆಟಗಾರರು ಅಥವಾ ಫಿಫಾ ವಿಶ್ವಕಪ್‌ಗೆ ಸಂಬಂಧಿಸಿದವರಾರೂ ಆಡಳಿತ ಮಂಡಳಿಯ ಅನುಮತಿ ಹೊರತುಪಡಿಸಿ ಟಿ ಶರ್ಟ್ ತೋಳಿನಲ್ಲಿ ಯಾವುದೆ ಬರಹವಿರುವ ತೋಳುಪಟ್ಟಿ, ಟಿ ಶರ್ಟ್ ಧರಿಸಬಾರದು ಎಂಬ ನಿಯಮ ಹೇರಲಾಗಿದೆ.

  ಇನ್ನು ಬೆಲ್ಜಿಯಂ ಆಟಗಾರರಿಗೆ ’ಲವ್’ ಬರಹವಿರುವ ಟೀ ಶರ್ಟ್ ಧರಿಸುವಂತಿಲ್ಲ ಎಂದು ಫಿಫಾ ಸೂಚಿಸಿದ್ದು, ಈ ಸೂಚನೆ ಇತರ ತಂಡಗಳಿಗೂ ಹೋಗಿದೆ. ಇದಕ್ಕೆ ಕಾರಣವೂ ಇದೆ. ನೆದರ್ಲ್ಯಾಂಡ್ ಫುಟ್‌ಬಾಲ್ ಸಂಸ್ಥೆಯು ಒನ್ ಲವ್ ಅಭಿಯಾನವನ್ನು ಆರಂಭಿಸಿತ್ತು. ಆದರೆ ಇದಕ್ಕೆ ಹಲವು ಫುಟ್‌ಬಾಲ್ ತಂಡಗಳು ಬೆಂಬಲಿಸಲು ನಿರ್ಧರಿಸಿದ್ದೇ ಈ ನಿಯಮ ಹೇರಲು ಕಾರಣ. ಈ ಅಭಿಯಾನವು ಇನ್ನೊಂದು ರೂಪ ಪಡೆಯದಿರಲಿ ಎಂಬ ಕಳಕಳಿಯೊಂದಿಗೆ ಫಿಫಾ ಹೊಸ ನಿಯಮವನ್ನು ಆಟಗಾರರಿಗೆ ಜಾರಿಗೊಳಿಸಿದೆ.