ಭಾರತ-ಆಸ್ಟ್ರೇಲಿಯಾ ತಂಡಗಳ ಹೆಸರಲ್ಲಿದ್ದ ದಾಖಲೆ ಉಡೀಸ್, ವಿಂಡೀಸ್-ಇಂಗ್ಲೆಂಡ್ ನಿಂದ ನೂತನ ರೆಕಾರ್ಡ್

•   Thu, Feb 28 2019 06:19:40 PM



• ವೆಸ್ಟ್ ಇಂಡೀಸ್, ಫೆ 28(SM): ಇಂಗ್ಲೆಂಡ್ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಪಂದ್ಯ ಹಲವು ದಾಖಲೆಗಳನ್ನು ಬರೆಯುತ್ತಿದೆ. ಈ ಹಿಂದಿನ ಪಂದ್ಯದಲ್ಲಿ ಅತ್ಯಧಿಕ ಹೆಚ್ಚು ರನ್ ಚೇಸಿಂಗ್ ದಾಖಲೆ ಸೃಷ್ಠಿಸಿರುವ ಸರಣಿಯ ಬುಧವಾರದ ಪಂದ್ಯದಲ್ಲಿ ಮತ್ತೊಂದು ದಾಖಲೆ ಸೃಷ್ಠಿಯಾಗಿದೆ. ಪಂದ್ಯವೊಂದರಲ್ಲೇ ಅತೀ ಹೆಚ್ಚು ಸಿಕ್ಸರ್ ಗಳನ್ನು ಸಿಡಿಸಿರುವ ದಾಖಲೆ ಕೂಡ ಇದೇ ಸರಣಿಯಲ್ಲಿ ಸೃಷ್ಟಿಯಾಗಿದೆ.

  

  ಆ ಮೂಲಕ ಈ ಹಿಂದೆ ಭಾರತ ಮತ್ತು ಆಸ್ಟ್ರೇಲಿಯಾ ಹೆಸರಿಗಿದ್ದ ದಾಖಲೆ ಕೂಡಾ ಬ್ರೇಕ್​ ಆಗಿದೆ. ಇಂಗ್ಲೆಂಡ್​ ಮತ್ತು ವೆಸ್ಟ್​ ಇಂಡೀಸ್​ ಪಂದ್ಯದಲ್ಲಿ ಈ ದಾಖಲೆ ಅಳಿಸಿಹೋಗಿದೆ. ಸೇಂಟ್ ಜಾರ್ಜ್ಸ್ ಮೈದಾನದಲ್ಲಿ ನಡೆದ ಇಂಗ್ಲೆಂಡ್​ ಮತ್ತು ವೆಸ್ಟ್​​ ಇಂಡೀಸ್​ ನಡುವಿನ ನಾಲ್ಕನೇ ಏಕದಿನ ಪಂದ್ಯದಲ್ಲಿ

  2013 ರಲ್ಲಿ ಬೆಂಗಳೂರಿನ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಭಾರತ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ 7ನೇ ಏಕದಿನ ಪಂದ್ಯದಲ್ಲಿ ಎರಡೂ ತಂಡಗಳು ಸೇರಿ ಒಟ್ಟು 38 ಸಿಕ್ಸರ್​ ಸಿಡಿಸಿದ್ದವು. ಇದೇ ಪಂದ್ಯದಲ್ಲಿ ರೋಹಿತ್​ ಶರ್ಮಾ ಚೊಚ್ಚಲ ದ್ವಿಶತಕ ಸಿಡಿಸಿ ಸಂಭ್ರಮಿಸಿದ್ದರು. ಈ ಪಂದ್ಯದಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ಅಟಗಾರರು ತಲಾ 19ರಂತೆ ಸಿಕ್ಸರ್ ಗಳನ್ನು ಸಿಡಿಸಿದ್ದರು.

  ಇನ್ನು ಬುಧವಾರ ನಡೆದ ಪಂದ್ಯದಲ್ಲಿ ಇಂಗ್ಲೆಂಡ್​ ಮತ್ತು ವಿಂಡೀಸ್​ ಆಟಗಾರರು ಒಟ್ಟಾರೆ 46 ಸಿಕ್ಸ್​ ಸಿಡಿಸಿದ್ದಾರೆ. ವಿಂಡೀಸ್​ ಆಟಗಾರರೇ 22 ಸಿಕ್ಸರ್ ಗಳನ್ನು ಸಿಡಿಸಿದ್ದರೆ, ಇಂಗ್ಲೆಂಡ್​ ಆಟಗಾರರು 24 ಸಿಕ್ಸ್​ ಸಿಡಿಸಿ ವಿಕ್ರಮ ಮೆರೆದಿದ್ದಾರೆ.