'ನಮಸ್ಕಾರ ಬೆಂಗಳೂರು'- ಆರ್‌ಸಿಬಿ ಸೇರುತ್ತಲೇ ಕನ್ನಡಿಗರ ಹೃದಯ ಗೆದ್ದ ಸ್ಮೃತಿ ಮಂದಾನ

•   Tue, Feb 14 2023 01:03:35 PM



• ಬೆಂಗಳೂರು, ಫೆ 14 (DaijiworldNews/DB): ವುಮೆನ್ಸ್ ಪ್ರೀಮಿಯರ್ ಲೀಗ್ ಮೆಗಾ ಹರಾಜಿನಲ್ಲಿ ಆರ್‌ಸಿಬಿ ತೆಕ್ಕೆಗೆ ಆಯ್ಕೆಯಾಗಿರುವ ಸ್ಮೃತಿ ಮಂದಾನ ಆಯ್ಕೆಯಾದ ಬೆನ್ನಲ್ಲೇ ಕನ್ನಡಿಗರ ಹೃದಯ ಗೆದ್ದಿದ್ದಾರೆ. ನಮಸ್ಕಾರ ಬೆಂಗಳೂರು ಎಂದು ಟ್ವೀಟ್ ಮಾಜಿ ಕನ್ನಡ ಧ್ವಜದ ಬಣ್ಣವಾದ ಹಳದಿ ಮತ್ತು ಕೆಂಪು ಬಣ್ಣದ ಹಾರ್ಟ್ ಇಮೋಜಿಗಳನ್ನು ಹಾಕಿದ್ದಾರೆ. ಕನ್ನಡಿಗರು ಇದಕ್ಕೆ ಫುಲ್ ಖುಷ್ ಆಗಿದ್ದಾರೆ.

  ನಿನ್ನೆಯಷ್ಟೇ ವುಮೆನ್ಸ್ ಪ್ರೀಮಿಯರ್ ಲೀಗ್ ಮೆಗಾ ಹರಾಜಿನಲ್ಲಿ ಭಾರತ ಮಹಿಳಾ ಕ್ರಿಕೆಟ್ ತಂಡದ ಚೆಲುವೆ ಸ್ಮೃತಿ ಮಂದಾನ ಆರ್‌ಸಿಬಿ ಪಾಲಾಗಿದ್ದರು. ಸ್ಮೃತಿ ಆರ್‌ಸಿಬಿ ತಂಡಕ್ಕೆ ಆಯ್ಕೆಯಾಗಿರುವುದನ್ನು ರಾಯಲ್ ಚಾಲೆಂಜರ್‍ಸ್ ಬೆಂಗಳೂರು ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿ ತಿಳಿಸಿತ್ತು. ಆರ್‌ಸಿಬಿ ಪೋಸ್ಟ್‌ಗೆ ಸ್ಮೃತಿ ಮಂದಾನ ಕಮೆಂಟ್ ಮಾಡಿ ನಮಸ್ಕಾರ ಬೆಂಗಳೂರು ಎಂದಿದ್ದರು. ಅಲ್ಲದೆ ಕನ್ನಡ ಧ್ವಜದ ಬಣ್ಣವಾದ ಹಳದಿ ಮತ್ತು ಕೆಂಪು ಹಾರ್ಟ್ ಇಮೋಜಿಗಳನ್ನೂ ಹಾಕಿದ್ದರು.

  ಸ್ಮೃತಿ ಈ ಕಮೆಂಟ್ ಹಾಕುತ್ತಿದ್ದಂತೆ ಕನ್ನಡಿಗರು, ಸ್ಮೃತಿ ಅಭಿಮಾನಿಗಳು ಫುಲ್ ಖುಷ್ ಆಗಿದ್ದಾರೆ. ಆರ್‌ಸಿಬಿ ಸೇರಿದೊಡನೆಯೇ ಕನ್ನಡಿಗರ ಹೃದಯ ಗೆದ್ದಿರಿ ಎಂದು ಕನ್ನಡಿಗರು ಕೊಂಡಾಡಿದ್ದಾರೆ. ಸದ್ಯ ಸ್ಮೃತಿ ಟ್ವೀಟ್ ಭಾರೀ ವೈರಲ್ ಆಗುತ್ತಿದ್ದು, ಆರ್‌ಸಿಬಿ ಅಭಿಮಾನಿಗಳು ಸ್ಮೃತಿಯನ್ನು ತುಂಬು ಹೃದಯದಿಂದ ಸ್ವಾಗತಿಸಿದ್ದಾರೆ.

  3.40 ಕೋಟಿ ರೂ.ಗಳಿಗೆ ಸ್ಮೃತಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಪಾಲಾಗಿದ್ದರು. ಸ್ಮೃತಿ ಖರೀದಿಗಾಗಿ ಮುಂಬೈ ಇಂಡಿಯನ್ಸ್ ತಂಡವು 3.20 ಕೋಟಿ ರೂ.ಗಳವರೆಗೂ ಬಿಡ್​​ ಮಾಡಿತ್ತು.

  Namaskara Bengaluru 💛❤️

  — Smriti Mandhana (@mandhana_smriti) February 13, 2023