ಬ್ಯಾಟ್ ಹಿಡಿದು ಡ್ಯಾನ್ಸ್ ಮಾಡಿದ ಕೊಹ್ಲಿ!

•   Wed, Mar 15 2023 03:57:07 PM



• ನವದೆಹಲಿ, ಮಾ 15 (DaijiworldNews/DB): ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮೈದಾನದಲ್ಲಿ ಬ್ಯಾಟ್ ಹಿಡಿದು ಆಡುವುದಕ್ಕೆ ಮಾತ್ರವಲ್ಲ, ಬ್ಯಾಟ್ ಹಿಡಿದು ಡ್ಯಾನ್ಸ್ ಮಾಡುವುದಕ್ಕೂ ಸೈ. ಬ್ಯಾಟ್ ಹಿಡಿದು ತನ್ನ ಸಂಗಡಿಗರೊಂದಿಗೆ ಕೊಹ್ಲಿ ಡ್ಯಾನ್ಸ್ ಮಾಡುವ ವೀಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

  ಬಾರ್ಡರ್​-ಗವಾಸ್ಕರ್​ ಟ್ರೋಫಿ ಮುಗಿದ ನಂತರ ನಾರ್ವೆಯ ಕ್ವಿಕ್​ ಸ್ಟೈಲ್​ ಡ್ಯಾನ್ಸ್ ತಂಡನ್ನು ಭೇಟಿ ಮಾಡಿರುವ ಕೊಹ್ಲಿ ಸ್ಟಿರಿಯೋ ನೇಷನ್​ನ 'ಇಶ್ಕ್'​ ಹಾಡಿಗೆ ಬ್ಯಾಟ್ ಹಿಡಿದುಕೊಂಡು ಡ್ಯಾನ್ಸ್ ಮಾಡಿದ್ದಾರೆ.

  ಕೊಹ್ಲಿಯೊಂದಿಗೆ ಇತರರೂ ಹೆಜ್ಜೆ ಹಾಕಿದ್ದಾರೆ. ಬಿಳಿ ಟೀ ಶರ್ಟ್ ಮತ್ತು ಕಪ್ಪು ಜೀನ್ಸ್ ಧರಿಸಿ ಕೊಹ್ಲಿ ಮಾಡಿದ ಡ್ಯಾನ್ಸ್ ಅಭಿಮಾನಿಗಳಿಗೆ ಸಖತ್ ಖುಷಿ ಕೊಟ್ಟಿದೆ. ಕೊಹ್ಲಿ ಡ್ಯಾನ್ಸ್‌ಗೆ ಪತ್ನಿ ಅನುಷ್ಕಾ ಶರ್ಮಾ ಕೂಡಾ ಫಿದಾ ಆಗಿದ್ದಾರೆ.