ಮಾರಕ ನೋ ಬಾಲ್ ಎಸೆದ ಬೌಲರ್ ಗೆ ಕೊಹ್ಲಿಯ ತಮಾಷೆಯ ಪಂಚ್

•   Fri, Apr 21 2023 05:17:29 PM



• ಮೊಹಾಲಿ, ಏ 21 (DaijiworldNews/MS): ಮೊಹಾಲಿಯಲ್ಲಿ ನಡೆದಆರ್​ಸಿಬಿ ಹಾಗೂ ಪಂಜಾಬ್ ನಡುವಣ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅವರು ಕುರ್ರನ್​ಗೆ ತಮಾಷೆಯಾಗಿ ಹೊಡೆಯಲು ಮುಂದಾದ ವಿಡಿಯೋ ಒಂದು ವೈರಲ್ ಆಗಿದೆ.

  ಆರ್​ಸಿಬಿ ಹಾಗೂ ಪಂಜಾಬ್ ಕಠಿಣವಾದ ಪಿಚ್​ನಲ್ಲಿ ರನ್ ಗಳಿಸಲು ಕಷ್ಟಪಟ್ಟ ಉಭಯ ತಂಡಗಳಿಗೆ ಬೌಲರ್​ಗಳು ಮಾರಕವಾಗಿ ಪರಿಣಮಿಸಿದರು. ಒಂದು ಹಂತದಲ್ಲಿ ಲಯ ಕಳೆದುಕೊಂಡ ಪಂಜಾಬ್ ನಾಯಕ ಸ್ಯಾಮ್ ಕುರ್ರನ್ ಅವರು ಫಾಫ್ ಡುಪ್ಲೆಸಿಸ್ ಮಾರಕ ಬಾಲ್(ಅಪಾಯಕಾರಿ ಫುಲ್ ಟಾಸ್ ಎಸೆತ) ಎಸೆದರು. 16ನೇ ಓವರ್​ನಲ್ಲಿ ಈ ಘಟನೆ ನಡೆದಿದ್ದು ಸ್ಯಾಮ್ ಕುರ್ರನ್ ಮೊದಲ ಎಸೆತವನ್ನು ಹಾಕುವಾಗ ಲಯ ತಪ್ಪಿ ಚೆಂಡು ಯಾವುದೇ ಪಿಚ್ ಆಗದೆ ನೇರವಾಗಿ ಸ್ಟ್ರೈಕ್​ನಲ್ಲಿದ್ದ ಡುಪ್ಲೆಸಿಸ್ ಮುಖದ ಹತ್ತಿರದಿಂದ ಸಾಗಿತು.

  ಇದರಿಂದ ಬಚಾವಗಲು ಹೋಗಿ ಫಾಫ್ ನಿಯಂತ್ರಣ ತಪ್ಪಿ ನೆಲಕ್ಕುರುಳಿದರು. ಬಳಿಕ ಸ್ಯಾಮ್ ಅವರಿಗೆ ತಪ್ಪಿನ ಅರಿವಾಗಿ ಡುಪ್ಲೆಸಿಸ್ ಬಳಿ ಬಂದು ಕ್ಷಮೆ ಕೇಳಿದರು. ಹೀಗೆ ಕ್ಷಮೆ ಕೇಳಿ ಹಿಂತಿರುಗುವಾಗ ನಾನ್​ಸ್ಟ್ರೈಕ್​ನಲ್ಲಿದ್ದ ವಿರಾಟ್ ಕೊಹ್ಲಿ ಅವರು ಕುರ್ರನ್​ಗೆ ತಮಾಷೆಯಾಗಿ ಹೊಡೆಯಲು ಹೋದಂತೆ ಆಕ್ಷನ್ ಮಾಡಿದ್ದಾರೆ. ಇದರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗುತ್ತಿದೆ.

  pic.twitter.com/OTBQTO0yo8

  — CricDekho (@Hanji_CricDekho) April 20, 2023