ಸಂಜು ಸ್ಯಾಮ್ಸನ್ ಶತಕ ವ್ಯರ್ಥ, ಹೈದರಬಾದ್ ಗೆ ಶರಣಾದ ರಾಜಸ್ಥಾನ ರಾಯಲ್ಸ್

•   Sat, Mar 30 2019 12:29:14 AM



• ಹೈದರಾಬಾದ್, ಮಾ 30(SM)​ : ಸಂಜು ಸ್ಯಾಮ್ಸನ್ ಶತಕದ ಸಿಡಿಸಿ ಮಿಂಚಿದರೂ ಕೂಡ ರಾಜಸ್ಥಾನ ರಾಯಲ್ಸ್ ಪಂದ್ಯ ಗೆಲ್ಲಲು ವಿಫಲವಾಗಿದೆ. ಆ ಮೂಲಕ ಹೈದರಬಾದ್ ತಂಡದ ಎದುರು ಶರಣಾಗಿದ್ದು, ಸನ್ ರೈಸರ್ ಹೈದರಬಾದ್ ತಂಡ 5 ವಿಕೆಟ್ ಗಳ ಗೆಲುವು ದಾಖಲಿಸಿಕೊಂಡಿದೆ.

  

  12ನೇ ಆವೃತ್ತಿಯ ಶುಕ್ರವಾರದ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ರಾಜಸ್ಥಾನ ಮೊದಲು ಬ್ಯಾಟಿಂಗ್ ಆಯ್ದುಕೊಂಡಿತು. ಸಂಜು ಸ್ಯಾಮ್ಸನ್​​ 55 ಎಸೆತದಲ್ಲಿ 102 ರನ್ ಪೇರಿಸಿ ಅಜೇಯರಾಗಿ ಉಳಿದರೆ, ನಾಯಕ ರಹಾನೆ 49 ಎಸೆತಗಳಲ್ಲಿ 70 ರನ್ ಗಳನ್ನು ಸಿಡಿಸಿ ತಂಡಕ್ಕೆ ನೆರವಾದರು. ಅಂತಿಮವಾಗಿ 20 ಓವರ್ ಗಳಲ್ಲಿ 198 ರನ್​ ಪೇರಿಸಿ ಹೈದರಬಾದ್ ಗೆ 199 ರನ್ ಗಳ ಗುರಿ ನೀಡಿತು.

  ರಾಜಸ್ಥಾನ ನೀಡಿದ ಗುರಿ ಬೆನ್ನಟ್ಟಿದ ಹೈದರಬಾದ್ ತಂಡಕ್ಕೆ ಆರಂಭಿಕರಾದ ಡೇವಿಡ್ ವಾರ್ನರ್ ಹಾಗೂ ಜಾನಿ ನೆರವಾದರು. 37 ಎಸೆತಗಳಲ್ಲಿ 69 ರನ್ ಗಳಿಸಿ ವಾರ್ನರ್ ಮಿಂಚಿದರೆ, ಜಾನಿ 28 ಎಸೆತಗಳಲ್ಲಿ 45 ರನ್ ಗಳನ್ನು ಸಿಡಿಸಿದರು. ಕೇವಲ 15 ಎಸೆತ ಎದುರಿಸಿದ ವಿಜಯ್ ಶಂಕರ್ 3 ಆಕರ್ಷಕ ಸಿಕ್ಸರ್ ಗಳ ಮೂಲಕ 35 ರನ್ ಸಿಡಿಸಿ ತಂಡದ ಗೆಲುವಿಗೆ ಕಾರಣರಾದರು.

  ಅಂತಿಮವಾಗಿ ಸನ್ ರೈಸರ್ಸ್ ತಂಡ 19 ಓವರ್ ಗಳಲ್ಲಿ 5 ವಿಕೆಟ್ ಗಳ ನಷ್ಟಕ್ಕೆ 201 ರನ್ ಗಳನ್ನು ಪೆರಿಸುವ ಮೂಲಕ ಗೆಲುವಿನ ನಗೆ ಚೆಲ್ಲಿತು.