ವಿಶ್ವ ಶೂಟಿಂಗ್‌ನಲ್ಲಿ ಸ್ವರ್ಣ ಪದಕ ಗೆದ್ದ ಭಾರತದ ಅಭಿನವ್-ಗೌತಮಿ ಜೋಡಿ

•   Tue, Jun 06 2023 12:05:23 PM



• ಜೂಲ್​, ಜೂ 06 (DaijiworldNews/MS): ಜರ್ಮನಿಯ ಜೂಲ್​ನಲ್ಲಿ ನಡೆಯುತ್ತಿರುವ ಐಎಸ್‌ಎಸ್‌ಎಫ್ ಜ್ಯೂನಿಯರ್ ಶೂಟಿಂಗ್ ವಿಶ್ವಕಪ್ ನಲ್ಲಿ ಭಾರತದ ಶೂಟರ್ ಗಳಾದ ಗೌತಮಿ ಭನೋಟ್ ಮತ್ತು ಅಭಿನವ್ ಶಾ ಜೋಡಿಯು ಚಿನ್ನದ ಪದಕಕ್ಕೆ ಕೊರಳೊಡ್ಡಿದ್ದಾರೆ.

  10 ಮೀಟರ್ ಏರ್ ರೈಫಲ್ ಮಿಕ್ಸ್ಡ್ ವಿಭಾಗದಲ್ಲಿ ಭಾರತದ ಜೋಡಿ 17-7 ರಲ್ಲಿ ಫ್ರಾನ್ಸ್‌ನ ಓಷಾನ್‌ ಮುಲ್ಲರ್‌ ಮತ್ತು ರೊಮೇನ್ ಆಫ್ರೆರ್‌ ಅವರನ್ನು ಸೋಲಿಸಿ ಚಿನ್ನ ಗೆದ್ದಿಕೊಂಡಿದೆ.

  ಫ್ರಾನ್ಸ್‌ನ ಜೋಡಿಯಿಂದ ಆರಂಭದಲ್ಲಿ ಪ್ರಬಲ ಪೈಪೋಟಿ ಎದುರಿಸಿದರೂ ಅಂತಿಮವಾಗಿ 17-7 ಅಂಕ ಗಳಿಸಿದ ಗೌತಮಿ ಹಾಗೂ ಭನೋಟ್ ಜೋಡಿಯು ಸ್ವರ್ಣ ಪದಕ ತಮ್ಮದಾಗಿಸಿಕೊಂಡರು.

  ನಾರ್ವೆಯ ಪೆರ್ನೈಲ್ ನೋರ್ ವಾಲ್- ಜೆನ್ಸ್ ಓಲ್ ಸ್ರುಡ್ ಜೋಡಿಯು ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿಕೊಂಡಿತು.