ನವದೆಹಲಿ: ವಿಶ್ವಕಪ್ ನಲ್ಲಿ ಸೆಣಸಾಡಲು ರಿಷಬ್ ಸಮರ್ಥ; ಧೋನಿ ಜತೆ ಹೋಲಿಕೆ ಬೇಡ: ಕಪಿಲ್ ದೇವ್

•   Wed, Apr 03 2019 11:24:22 PM



• ನವದೆಹಲಿ, ಏ 03(SM): ಮೇ ತಿಂಗಳಲ್ಲಿ ನಡೆಯಲಿರುವ ವಿಶ್ವಕಪ್ ಕ್ರಿಕೆಟ್ ಪಂದ್ಯಕ್ಕೆ ಟೀಂ ಇಂಡಿಯಾ ಆಯ್ಕೆ ಏಪ್ರಿಲ್ 20ರೊಳಗೆ ನಡೆಯಲಿದೆ. ಈ ನಡುವೆ ಯಾರೆಲ್ಲ ಅಂತಿಮ ಹಂತದಲ್ಲಿ ಆಯ್ಕೆಗೊಂದು ತಂದ ಸೇರಲಿದ್ದಾರೆ ಎನ್ನುವುದು ಸದ್ಯದ ಕುತೂಹಲವಾಗಿದೆ.

  

  ಮಹಾಸಮರದಲ್ಲಿ ಹೋರಾಡಲು ಹಲವು ಹಿರಿಯರು ಹಾಗೂ ಕಿರಿಯ ಆಟಗಾರರು ಉತ್ಸುಕರಾಗಿದ್ದಾರೆ. ಆದರೆ ಅಂತಿಮವಾಗಿ ೧೫ ಮಂದಿ ಮಾತ್ರ ತಂಡದಲ್ಲಿ ಸ್ಥಾನ ಪಡೆದುಕೊಳ್ಳಲಿದ್ದಾರೆ. ಈ ನಡುವೆ ತಂಡದ ಯುವ ಆಟಗಾರ ರಿಷಭ್​ ಪಂತ್​ ಪರ ಮಾಜಿ ಕ್ಯಾಪ್ಟನ್ ಕಪಿಲ್​ ದೇವ್​ ಬ್ಯಾಟ್ ಬೀಸಿದ್ದಾರೆ. ರಿಷಬ್ ಪಂತ್ ರನ್ನು ಧೋನಿ ಜತೆ ಹೋಲಿಸುವುದು ಸರಿಯಲ್ಲ. ವಿಶ್ವದ ಯಾವುದೇ ಆಟಗಾರನೂ ಧೋನಿಯ ರೀತಿಯಲ್ಲಿ ಆಡಲು ಸಾಧ್ಯವಿಲ್ಲ ಎಂದಿದ್ದಾರೆ.

  ಧೋನಿ ಜತೆ ರಿಷಭ್​ ಹೋಲಿಕೆ ಮಾಡಿ, ಒತ್ತಡಕ್ಕೊಳಗಾಗುವಂತೆ ಮಾಡುವುದು ಸರಿಯಲ್ಲ. ಆತನ ಸಮಯ ಬರುತ್ತದೆ ಎಂದು ಹೇಳಿದ್ದಾರೆ. ರಿಷಭ್​ ಪಂತ್ ಓರ್ವ ಪ್ರತಿಭಾವಂತ ಆಟಗಾರ. ಅವರಿಗೆ ಸಮಯವಕಾಶ ಬೇಕು ಎಂದಿರುವ ಕಪಿಲ್​, ವಿಶ್ವಕಪ್​ನಲ್ಲಿ ಆಡಲು ವಿಕೆಟ್‌ ಕೀಪರ್‌ ಕಮ್‌ ಎಡಗೈ ಬ್ಯಾಟ್ಸ್‌ಮೆನ್‌ ಆಗಿ ಸೆಣಾಸಾಡುಲು ರಿಷಬ್ ಅರ್ಹ ಎಂಬುವುದಾಗಿ ತಿಳಿಸಿದ್ದಾರೆ.