ನವದೆಹಲಿ: ಕ್ರಿಕೆಟ್ ನಲ್ಲಿ ಪ್ರಸಿದ್ಧಿಗಳಿಸೋಕೆ ಸುಲಭವಿಲ್ಲ: ಸೆಹ್ವಾಗ್

•   Sat, Apr 06 2019 11:48:57 PM



• ನವದೆಹಲಿ, ಏ 06(SM): ಇಂದಿನ ದಿನಗಳಲ್ಲಿ ಕ್ರಿಕೆಟ್ ಕ್ಷೇತ್ರಗಳಲ್ಲಿ ಹಲವು ದಾಖಲೆಗಳಾಗುತ್ತದೆ. ಆದರೆ, ಕ್ರಿಕೆಟ್ ಕ್ಷೇತ್ರದಲ್ಲಿ ಹೆಸರು ಗಳಿಸುವುದು ಸುಲಭದ ಮಾತಲ್ಲ ಎಂದು ಟೀಂ ಇಂಡಿಯಾದ ಮಾಜಿ ಸ್ಪೋಟಕ ಬ್ಯಾಟ್ಸ್ ಮನ್ ವಿರೇಂದ್ರ ಸೆಹ್ವಾಗ್ ಹೇಳಿದ್ದಾರೆ.

  

  80, 90ರ ದಶಕದಲ್ಲಿ ಭಾರತ ತಂಡಕ್ಕೆ ಅಯ್ಕೆಯಾಗುತ್ತಿದ್ದವರೆಲ್ಲಾ ಮೆಟ್ರೋ ಸಿಟಿಯ ಆಟಗಾರರಾಗಿರುತ್ತಿದ್ದರು. ಆದರೆ ಇಂದು ಸಣ್ಣ ಪುಟ್ಟ ಪಟ್ಟಣಗಳಿಂದಲೂ ಯುವಕರು ಕ್ರಿಕೆಟ್​ ಆಟವನ್ನೇ ವೃತ್ತಿಯಾಗಿಸಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಆದರೆ ಸ್ಪರ್ಧಾತ್ಮಕ ಯುಗದಲ್ಲಿ ಕ್ರಿಕೆಟ್​ನಲ್ಲಿ ಮೊದಲಿನ ಹಾಗೆ ಸುಲಭವಾಗಿ ಕ್ರಿಕೆಟಿಗರಾಗಿ ಪ್ರಸಿದ್ಧರಾಗಲು ಸಾಧ್ಯವಿಲ್ಲ ಎಂದು ಹೇಳಿದ್ದಾರೆ.

  ಯಾವುದೇ ಒಬ್ಬ ಆಟಗಾರ ಐಪಿಎಲ್​ನಂತಹ ದೊಡ್ಡ ಲೀಗ್​ಗಳಲ್ಲಿ ನಿರಂತರವಾಗಿ ತನ್ನ ಪ್ರದರ್ಶನವನ್ನು ಕಾಯ್ದುಕೊಂಡರೆ ಮಾತ್ರ ಆತ ಭವಿಷ್ಯದಲ್ಲಿ 10-12 ವರ್ಷಗಳ ಕಾಲ ಕ್ರಿಕೆಟ್​ನಲ್ಲಿ ಉಳಿಯಬಹುದು. ಜೊತೆಗೆ ಹಣವನ್ನು ಸಂಪಾದಿಸಬಹುದು. ಆದರೆ ಇಂದಿನ ದಿನದಲ್ಲಿ ಕ್ರಿಕೆಟ್ ಕ್ಷೇತ್ರದಲ್ಲಿ ತುಂಬಾ ಸ್ಪರ್ಧೆಗಳಿವೆ ಎಂದು ಅವರು ಹೇಳಿದ್ದಾರೆ.