ಏಷ್ಯನ್ ಗೇಮ್ಸ್ 2023 - ಮೊದಲ ದಿನವೇ ಭಾರತಕ್ಕೆ 5 ಪದಕ

•   Sun, Sep 24 2023 11:54:19 AM



• ಹ್ಯಾಂಗ್ ಝೂ, ಸೆ 24 (DaijiworldNews/HR): 19ನೇ ಏಷ್ಯನ್ ಗೇಮ್ಸ್ ಕ್ರೀಡಾಕೂಟದ ಮೊದಲ ದಿನವಾದ ಇಂದು ಐದು ಪದಕಗಳು ಭಾರತಕ್ಕೆ ಬಂದಿದೆ.

  ಮಹಿಳೆಯರ 10 ಮೀ ಏರ್ ರೈಫಲ್ ತಂಡ ವಿಭಾಗ, ಪುರುಷರ ಲೈಟ್ ವೈಟ್ ಡಬಲ್ ಸ್ಕಲ್ಸ್ ವಿಭಾಗ ಮತ್ತು ಪುರುಷರ ಎಂಟು ಜೋಡಿ ರೋವಿಂಗ್ ನಲ್ಲಿ ಬೆಳ್ಳಿ ಪದಕ ಗೆದ್ದರೆ, ಪುರುಷರ ಜೋಡಿ ರೋವಿಂಗ್ ಮತ್ತು ಮಹಿಳಾ 10 ಮೀ ಏರ್ ರೈಫಲ್ ನಲ್ಲಿ ಕಂಚಿನ ಪದಕ ಒಲಿದಿದೆ.

  ಇನ್ನು ರಮಿತಾ, ಆಶಿ ಚೌಕ್ಸೆ ಮತ್ತು ಮೆಹುಲಿ ಘೋಷ್ ಅವರನ್ನೊಳಗೊಂಡ 10 ಮೀ ಏರ್ ರೈಫಲ್ ತಂಡ ರಜತ ಪದಕ ಗೆದ್ದು ಪದಕ ಪಟ್ಟಿಯಲ್ಲಿ ಭಾರತದ ಹೆಸರು ಮೂಡಿದೆ.

  ಪುರುಷರ ಲೈಟ್ ವೈಟ್ ಡಬಲ್ ಸ್ಕಲ್ಸ್ ವಿಭಾಗದಲ್ಲಿ ಭಾರತದ ಅರವಿಂದ ಸಿಂಗ್ ಮತ್ತು ಅರ್ಜುನ್ ಜಟ್ ಲಾಲ್ ಬೆಳ್ಳಿ ಪದಕ ಗೆದ್ದಿದ್ದು, ಪುರುಷರ ಜೋಡಿ ರೋವಿಂಗ್ ನಲ್ಲಿ ಬಾಬು ಲಾಲ್ ಯಾದವ್ ಮತ್ತು ಲೇಖ್ ರಾಮ್ ಜೋಡಿ ಕಂಚಿನ ಪದಕ ಗೆದ್ದಿದ್ದಾರೆ.