ಇಂಗ್ಲೆಂಡ್ ವಿರುದ್ಧ ಅಫ್ಘಾನ್‌ಗೆ 69 ರನ್ ಗಳ ಗೆಲುವು

•   Sun, Oct 15 2023 10:09:58 PM



• ಹೊಸದಿಲ್ಲಿ ,ಅ 15 (DaijiworldNews/AK): ಅರುಣ್ ಜೇಟ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಸಿಸಿ ಏಕದಿನ ವಿಶ್ವಕಪ್ ಕ್ರಿಕೆಟ್ 2023 ಟೂರ್ನಿಯ 13 ನೇ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ದಅಫ್ಘಾನಿಸ್ತಾನ 69 ರನ್ ಗಳ ಜಯ ದಾಖಲಿಸಿದೆ.

  ಏಕದಿನ ವಿಶ್ವ ಕಪ್ ಇತಿಹಾಸ ದಲ್ಲಿ ಆಫ್ಘಾನಿಸ್ತಾನ ಮೊದಲ ಬಾರಿಗೆ ಇಂಗ್ಲೆಂಡ್ ತಂಡವನ್ನು ಸೋಲಿಸುವುದರೊಂದಿಗೆ ಟೂರ್ನಿಯಲ್ಲಿ ಮೊದಲ ಗೆಲುವು ದಾಖಲಿಸಿತು.

  ಆಫ್ಘಾನಿಸ್ತಾನ ನೀಡಿದ ಸ್ಪರ್ಧಾತ್ಮಕ 285 ರನ್ ಗಳ ಗುರಿ ಪಡೆದು ಬ್ಯಾಟಿಂಗ್ ಗೆ ಬಂದ ಇಂಗ್ಲೆಂಡ್ ಆರಂಭಿಕ ಆಘಾತ ಎದುರಿಸಿತು. ಇನ್ನಿಂಗ್ಸ್ ನ ಎರಡನೇ ಓವರ್ ನಲ್ಲಿ ಕೇವಲ ಒಂದಂಕಿ ಗೆ ಜಾನಿ ಬೈರ್ ಸ್ಟ್ರೋವ್( 2) ಫಝಲ್ ಹಕ್ ಫರೂಕಿ ಗೆ ಎಲ್ ಬಿ ಡಬ್ಲ್ಯೂ ಆದರೆ , ಜೋ ರೂಟ್ 6.7 ಓವರ್ ನಲ್ಲಿ ಮುಜೀಬ್ ಉರ್ ರಹಮಾನ್ ಬೌಲಿಂಗ್ ನಲ್ಲಿ ಬೌಲ್ಡ್ .

  
  ಎರಡು ವಿಕೆಟ್ ಬೇಗ ಕಳೆದುಕೊಂಡು ಆರಂಭದಲ್ಲಿ ಸಂಕಷ್ಟ ಸಿಲುಕಿದ್ದ ಇಂಗ್ಲೆಂಡ್ ಪರ ಡೇವಿಡ್ ಮಲನ್ 32 ಗಳಿಸಿ ರಕ್ಷಣಾತ್ಮಕ ಆಟ ಆಡುವ ಪ್ರಯತ್ನ ಮಾಡಿದರಾದರೂ ಅದು ಫಲ ನೀಡಲಿಲ್ಲ. ಅವರು ಮೊಹಮ್32 ಗಳಿಸಿ ರಕ್ಷಣಾತ್ಮಕ ಆಟ ಆಡುವ ಪ್ರಯತ್ನ ಮಾಡಿದರಾದರೂ ಅದು ಫಲ ನೀಡಲಿಲ್ಲ. ಅವರು ಮೊಹಮ್ಮದ್ ನಬಿ ಬೌಲಿಂಗ್ ನಲ್ಲಿ ಇಬ್ರಾಹೀಂ ಗೆ ಕ್ಯಾಚ್ ನೀಡಿ ತೊರೆದರು.ಇಂಗ್ಲೇಂಡ್ ವಿರುದ್ಧ ಅಫ್ಘಾನ್ ಬೌಲರ್ಸ್ ಆಕ್ರಮಣಕಾರಿ ಬೌಲಿಂಗ್ ಮಾಡಿ ಜಯಭೇರಿ ಬಾರಿಸಿದರು.