ವನಿತಾ ತಂಡ ಪ್ರಕಟ - ಕರ್ನಾಟಕದ ಶುಭಾ ಸತೀಶ್, ಶ್ರೇಯಾಂಕಾಗೆ ಸ್ಥಾನ

•   Sat, Dec 02 2023 10:21:53 PM



• ಮುಂಬೈ, ಡಿ 2 (DaijiworldNews/HR): ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ವನಿತಾ ತಂಡಗಳ ವಿರುದ್ಧ ನಡೆಯಲಿರುವ ಸರಣಿಗೆ ಭಾರತದ ವನಿತಾ ತಂಡವನ್ನು ಪ್ರಕಟಿಸಲಾಗಿದ್ದು, ಕರ್ನಾಟಕದ ಶುಭಾ ಸತೀಶ್, ಶ್ರೇಯಾಂಕಾಗೆ ಸ್ಥಾನ ನೀಡಲಾಗಿದೆ.

  ಇಂಗ್ಲೆಂಡ್ ವಿರುದ್ಧದ ಮೂರು ಟಿ20 ಮತ್ತು ಒಂದು ಟೆಸ್ಟ್ ಪಂದ್ಯ ಹಾಗೂ ಆಸ್ಟ್ರೇಲಿಯಾ ವಿರುದ್ಧದ ಒಂದು ಟೆಸ್ಟ್ ಪಂದ್ಯಕ್ಕೆ ತಂಡ ಪ್ರಕಟಿಸಲಾಗಿದೆ.

  ಇನ್ನು ಹರ್ಮನ್ ಪ್ರೀತ್ ಕೌರ್ ಅವರು ಟೀಂ ಇಂಡಿಯಾವನ್ನು ಮುನ್ನಡೆಸಲಿದ್ದು, ಸ್ಮೃತಿ ಮಂಧನಾ ಅವರು ಉಪ ನಾಯಕಿಯಾಗಿದ್ದಾರೆ.

  ಡಿಸೆಂಬರ್ 6 ರಿಂದ 10 ರವರೆಗೆ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಲಿರುವ ಇಂಗ್ಲೆಂಡ್ ವಿರುದ್ಧದ ಮೂರು ಪಂದ್ಯಗಳ ಟಿ20 ಸರಣಿಯೊಂದಿಗೆ ವನಿತಾ ತಂಡದ ಆಟಗಳು ಪ್ರಾರಂಭವಾಗುತ್ತದೆ.