ಐಪಿಎಲ್‌ 2024 ಟೂರ್ನಿ ಮಾರ್ಚ್‌ 22ರಂದು ಆರಂಭ-ಶೀಘ್ರವೇ ವೇಳಾಪಟ್ಟಿ ಪ್ರಕಟ  

•   Wed, Jan 24 2024 05:48:29 PM



• ಮುಂಬೈ, ಜ 24 (DaijiworldNews/PC): 17ನೇ ಆವೃತ್ತಿಯ ಐಪಿಎಲ್​ 2024 ಈಗಾಗಲೇ ಸಿದ್ಧತೆಗಳು ಆರಂಭವಾಗಿದ್ದು ಮಾರ್ಚ್​ ಹಾಗೂ ಮೇ ತಿಂಗಳ ನಡುವೆ ನಡೆಯಲ್ಲಿದೆ ಎಂಬ ಮಾಹಿತಿಗಳು ಹರಿದಾಡುತ್ತಿತ್ತು ಆದರೆ ಐಪಿಎಲ್ ಚೇರ್ಮನ್ ಅರುಣ್ ಧುಮಾಲ್ ರವರು ಇದೇ ವೇಳೆ ಮಾರ್ಚ್ 22ರಿಂದ ಐಪಿಎಲ್ ಆರಂಭವಾಗುವ ಬಗ್ಗೆ ಹೇಳಿಕೆ ನೀಡಿದ್ದಾರೆ.

  ಸಂದರ್ಶನ ವೊಂದರಲ್ಲಿ ಐಪಿಎಲ್ ಆರಂಭದ ಬಗ್ಗೆ ಮಾತನಾಡಿದ ಅರುಣ್ ಕುಮಾರ್,   ಈ ವರ್ಷದ ಟೂರ್ನಿಯ ವೇಳಾಪಟ್ಟಿಗಳು ಎರಡು ಭಾಗಗಳಾಗಿ ಪ್ರಕಟವಾಗಬಹುದು ಎಂಬ ಮಾಹಿತಿಯನ್ನು ಧುಮಾಲ್ ನೀಡಿದ್ದಾರೆ.

  ಐಪಿಎಲ್ ಅಂತಿಮ ವೇಳಾಪಟ್ಟಿಯ ಸ್ಪಷ್ಟ ಚಿತ್ರಣ ಸಿಗಲು ಸಮಯ ಹಿಡಿಯಲಿದೆ ಎಂದಿದ್ದಾರೆ.

  ಸರ್ಕಾರದೊಂದಿಗೆ ಐಪಿಎಲ್ 2024 ರ ದಿನಾಂಕಗಳ ಬಗ್ಗೆ ಚರ್ಚೆ ಮಾಡುತ್ತಿದ್ದೇವೆ. ದಿನಾಂಕಗಳನ್ನು ಇನ್ನೂ ನಿರ್ಧರಿಸಲಾಗಿಲ್ಲ ಆದರೆ ನಾವು ತಾತ್ಕಾಲಿಕ ದಿನಾಂಕಗಳ ಪ್ರಕಾರ ಪಂದ್ಯಾವಳಿಯು ಮಾರ್ಚ್ 22 ರಿಂದ ಪ್ರಾರಂಭವಾಗಬಹುದು ಮತ್ತು ಮೇ 26 ರವರೆಗೆ ನಡೆಯಬಹುದು.

  ಚುನಾವಣೆ ದಿನಾಂಕ ನಿರ್ಧಾರವಾದ ಬಳಿಕವಷ್ಟೇ ಐಪಿಎಲ್ 17ರ ಸಂಪೂರ್ಣ ವೇಳಾಪಟ್ಟಿ ನಿರ್ಧಾರವಾಗಲಿದೆ ಎಂದು ಧುಮಾಲ್ ಹೇಳಿದ್ದಾರೆ.