RCB ಸ್ಟಾರ್ ಎಲ್ಲಿಸ್ ಪೆರ್ರಿ, ಮಿಚೆಲ್ ಮಾರ್ಷ್ ಸೇರಿದಂತೆ ಹಲವರಿಗೆ ಕ್ರಿಕೆಟರ್ ಆಫ್ ದಿ ಇಯರ್-2023 ಪ್ರಶಸ್ತಿ

•   Thu, Feb 01 2024 07:25:22 PM



• ಮೆಲ್ಬರ್ನ್, ಫೆ 01 (DaijiworldNews/SK): ಕಳೆದ ವರ್ಷದ ಕ್ರಿಕೆಟರ್ ಆಫ್ ದಿ ಇಯರ್-2023ʼಪ್ರಶಸ್ತಿಯ ಪಟ್ಟಿ ಬಿಡುಗಡೆಯಾಗಿದೆ. ಕ್ರಿಕೆಟ್ ಪಂದ್ಯಾಟದಲ್ಲಿ ಉತ್ತಮ ಪ್ರದರ್ಶನ ನೀಡಿದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಹಿಳಾ ಕ್ರಿಕೆಟ್ ತಂಡದ ಆಲ್ರೌಂಡರ್ ಎಲ್ಲಿಸ್ ಪೆರ್ರಿ ಹಾಗೂ ಆಸ್ಟ್ರೇಲಿಯಾ ಪುರುಷರ ತಂಡದ ಸ್ಟಾರ್ ಆಟಗಾರ ಮಿಚೆಲ್ ಮಾರ್ಷ್ ಸೇರಿದಂತೆ ಹಲವರು ಪ್ರಶಸ್ತಿ ಪಡೆದುಕೊಂಡಿದ್ದಾರೆ.

  ಮೆಲ್ಬರ್ನ್ನಲ್ಲಿ ನಡೆದ ವಾರ್ಷಿಕ ಪ್ರಶಸ್ತಿ ಪ್ರದಾನ ಸಂಮಾರಂಭದಲ್ಲಿ 2023ರ ವರ್ಷದಲ್ಲಿ ಉತ್ತಮ ಸಾಧನೆ ಮಾಡಿದ ಹಲವು ಕ್ರಿಕೆಟಿಗರಿಗೆ ವಾರ್ಷಿಕ ಪ್ರಶಸ್ತಿಗಳನ್ನು ವಿತರಿಸಲಾಯಿತು.

  ಮಿಚೆಲ್ ಮಾರ್ಷ್ ಕಳೆದ ವರ್ಷ ನಡೆದ 2023ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಹಾಗೂ ಇತರ ಪಂದ್ಯಾಟಗಳಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಕ್ಕಾಗಿ ಪ್ರಶಸ್ತಿ ಪಡೆದುಕೊಂಡರೆ, ಆರ್ಸಿಬಿ ಮಹಿಳಾ ತಂಡದ ಆಟಗಾರ್ತಿಯೂ ಆಗಿರುವ ಎಲ್ಲಿಸ್ ಪೆರ್ರಿಗೆ ಮಹಿಳಾ ವಿಭಾಗದ T20I ಕ್ರಿಕೆಟ್ನಲ್ಲಿ ವರ್ಷದ ಅತ್ಯುತ್ತಮ ಆಟಗಾರ್ತಿ ಪ್ರಶಸ್ತಿ ನೀಡಲಾಯಿತು.

  ಕ್ರಿಕೆಟರ್ ಆಫ್ ದಿ ಇಯರ್-2023ʼ ಪ್ರಶಸ್ತಿಯ ವಿಚೇತರ ಪಟ್ಟಿ:

  * ಅಲನ್ ಬಾರ್ಡರ್ ಪದಕ: ಮಿಚೆಲ್ ಮಾರ್ಷ್
  * ಬೆಲಿಂಡಾ ಕ್ಲಾರ್ಕ್ ಪ್ರಶಸ್ತಿ: ಆಶ್ಲೀ ಗಾರ್ಡ್ನರ್
  * ಶೇನ್ ವಾರ್ನ್ ವರ್ಷದ ಪುರುಷರ ಟೆಸ್ಟ್ ಆಟಗಾರ: ನಾಥನ್ ಲಿಯಾನ್
  * ಪುರುಷರ ODI ವರ್ಷದ ಆಟಗಾರ: ಮಿಚೆಲ್ ಮಾರ್ಷ್
  * ವರ್ಷದ ಮಹಿಳಾ ODI ಆಟಗಾರ್ತಿ: ಎಲ್ಲಿಸ್ ಪೆರ್ರಿ
  * ಪುರುಷರ T20I ವರ್ಷದ ಆಟಗಾರ: ಜೇಸನ್ ಬೆಹ್ರೆಂಡಾರ್ಫ್
  * ಮಹಿಳಾ T20I ವರ್ಷದ ಆಟಗಾರ್ತಿ: ಎಲ್ಲಿಸ್ ಪೆರ್ರಿ
  * BBL ಟೂರ್ನಿ ಆಟಗಾರ: ಮ್ಯಾಟ್ ಶಾರ್ಟ್ (ಅಡಿಲೇಡ್ ಸ್ಟ್ರೈಕರ್ಸ್)
  * WBBL ಟೂರ್ನಿ ಆಟಗಾರ್ತಿ: ಚಾಮರಿ ಅಥಾಪತ್ತು (ಸಿಡ್ನಿ ಥಂಡರ್)
  * ವರ್ಷದ ಪುರುಷರ ದೇಶೀಯ ಕ್ರಿಕೆಟಿಗ: ಕ್ಯಾಮೆರಾನ್ ಬ್ಯಾಂಕ್ರಾಫ್ಟ್
  * ವರ್ಷದ ಮಹಿಳಾ ದೇಶೀಯ ಕ್ರಿಕೆಟಿಗ: ಸೋಫಿ ಡೇ ಮತ್ತು ಎಲಿಸ್ ವಿಲ್ಲಾನಿ
  * ಡಾನ್ ಬ್ರಾಡ್ಮನ್ ವರ್ಷದ ಯುವ ಕ್ರಿಕೆಟಿಗ: ಫರ್ಗುಸ್ ಓ’ನೀಲ್
  * ಬೆಟ್ಟಿ ವಿಲ್ಸನ್ ವರ್ಷದ ಯುವ ಕ್ರಿಕೆಟಿಗ: ಎಮ್ಮಾ ಡಿ ಬ್ರೌಗ್