ಡೇವಿಸ್ ಕಪ್ ನಲ್ಲಿ ಸಾಧನೆ ಮೆರೆದ ಕೊಡಗಿನ ಕುವರ  

•   Tue, Feb 06 2024 03:06:18 PM



• ಮಡಿಕೇರಿ, ಫೆ 6 (DaijiworldNews/SK): ಟೆನ್ನಿಸ್ ಟೀಮ್ ಇವೆಂಟ್ ಪ್ರತಿಷ್ಠಿತ ಡೇವಿಸ್ ಕಪ್‍ನಲ್ಲಿ ಭಾರತವು ಪಾಕಿಸ್ತಾನ ತಂಡವನ್ನು 4-0 ರಿಂದ ಸೋಲಿಸಿ, ವರ್ಲ್ಡ್‌‌ ಕಪ್ ಗ್ರೂಪ್ 1ರಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದ್ದು, ಭಾರತ ತಂಡದಲ್ಲಿ ಸ್ಥಾನ ಗಳಿಸಿರುವ ಕೊಡಗಿನ ಕಲಿಯಂಡ ನಿಕ್ಕಿ ಪೂಣಚ್ಚ(28) ಅವರು ಕೂಡ ತಂಡದ ಜಯಕ್ಕೆ ಕಾರಣರಾಗಿದ್ದಾರೆ.

  

  60 ವರ್ಷಗಳ ನಂತರ ಪಾಕಿಸ್ತಾನಕ್ಕೆ ತೆರಳಿದ ಭಾರತ ಡೇವಿಸ್ ಕಪ್ ತಂಡವು ಆತಿಥೇಯ ತಂಡವನ್ನು ಫೆ. 4ರಂದು ನಾಲ್ಕು ಪಂದ್ಯಗಳಲ್ಲೂ ಸೋಲಿಸಿದೆ. ಈ ಮೂಲಕ ಡೇವಿಸ್ ಕಪ್‍ನ ವರ್ಲ್ಡ್‌ ಗ್ರೂಪ್ 1ರಲ್ಲಿ ಸ್ಥಾನ ಗಳಿಸಿದೆ.

  ಇನ್ನು 4ನೇ ಪಂದ್ಯಾಟವು ಸಿಂಗಲ್ಸ್ ವಿಭಾಗದಲ್ಲಿ ನಡೆದಿದ್ದು, ಕೊಡಗಿನ ಕಲಿಯಂಡ ನಿಕ್ಕಿ ಪೂಣಚ್ಚ ಅವರು ಎದುರಾಳಿ ಮಹಮ್ಮದ್ ಶೋಯಬ್ ಅವರನ್ನು 6-3, 6-4ರ ನೇರ ಸೆಟ್‍ಗಳಲ್ಲಿ ಸೋಲಿಸಿ ತಂಡದ ಗೆಲುವಿಗೆ ನೆರವಾದರು.