ಹೈದರಾಬಾದ್: ಇಂಡೋ ಪಾಕ್ ಪಂದ್ಯಕ್ಕೆ ಅಭಿಮಾನಿಗಳು ಕಾತರ; ಟಿಕೆಟ್ ಸೋಲ್ಡ್ ಔಟ್

•   Sun, May 05 2019 10:56:54 PM



• ಹೈದರಾಬಾದ್, ಮೇ 05 (DaijiworldNews/SM): ಐಸಿಸಿ ಏಕದಿನ ವಿಶ್ವಕಪ್ ಪಂದ್ಯಗಳಿಗೆ ಕ್ಷಣಗಣನೆ ಶುರುವಾಗುತ್ತಿದೆ. ಭಾರತ ಹಾಗೂ ಪಾಕಿಸ್ತಾನ ನಡುವಿನ ಪಂದ್ಯ ಈ ವರ್ಷದ ಅತಿದೊಡ್ಡ ಕ್ರಿಕೆಟ್ ಕಾದಾಟವಾಗಿರಲಿದೆ. ಭಾರತ ಹಾಗೂ ಪಾಕಿಸ್ತಾನ ನಡುವಿನ ವಿಶ್ವಕಪ್ ಪಂದ್ಯದ ಟಿಕೆಟ್​ಗಳು ಸೋಲ್ಡ್ಔಟ್ ಆಗಿವೆ.

  

  ಜೂನ್ 16ರಂದು ಮ್ಯಾಂಚೆಸ್ಟರ್​ನ ಓಲ್ಡ್​ ಟ್ರಾಫೋರ್ಡ್​ನಲ್ಲಿ ಭಾರತ ಹಾಗೂ ಪಾಕಿಸ್ತಾನ ತಂಡಗಳು ಮೊದಲ ಪಂದ್ಯವನ್ನಾಡಲಿವೆ. ಈ ಪಂದ್ಯದ ಟಿಕೆಟ್​ಗೆ ಭಾರಿ ಬೇಡಿಕೆ ಬಂದಿದೆ. ಭಾರತ ಹಾಗೂ ಪಾಕಿಸ್ತಾನ ನಡುವಿನ ವಿಶ್ವಕಪ್ ಪಂದ್ಯಕ್ಕೆ ಭಾರತ-ಇಂಗ್ಲೆಂಡ್ ಮ್ಯಾಚ್​ಗಿಂತಲೂ ಹೆಚ್ಚಿನ ಬೇಡಿಕೆ ಇದೆ ಎಂದು ಖಾಸಗಿ ಟಿಕೆಟ್ ಮಾರಾಟ ಸಂಸ್ಥೆ ಹೇಳಿದೆ. ಟಿಕೆಟ್ ಮಾರಾಟ ಆರಂಭವಾದ 48 ಗಂಟೆಯೊಳಗೆ ಸಂಪೂರ್ಣ ಟಿಕೆಟ್ ಮಾರಾಟವಾಗಿವೆ.

  ಇಂಗ್ಲೆಂಡ್​​ನಲ್ಲಿ ನೆಲೆಸಿರುವ ಭಾರತೀಯರು ಹಾಗೂ ಭಾರತದಿಂದ ಹಲವಾರು ಮಂದಿ ಟಿಕೆಟ್ ಖರೀದಿಗೆ ಮುಂದಾಗಿದ್ದಾರೆ. ಪರಿಣಾಮ ಕೆಲ ಗಂಟೆಗಳಲ್ಲೇ ಟಿಕೆಟ್ ಗಳು ಸೇಲ್ ಆಗಿವೆ.